Эрэгтэйчүүдийн Волейболын 21 дэх удаагийн ДАШТ Филиппин улсын Pasay болон Quezon хотод зохиогдож байгаа билээ. Эрэгтэйчүүдийн ДАШТ-ий шөвгийн 16-ийн эхний хоёр тоглолт болж өнгөрлөө.

ДАШТ-ий шөвгийн 16-ийн эхний тоглолт дэлхийн чансааны №14 Туркийн шигшээ баг болон дэлхийн чансааны №20 Нидерландын шигшээ багуудын хооронд дөрвөн ээлжийн тоглолт болж, Туркийн шигшээ баг 3-1 харьцаатай хожил байгуулж, шөвгийн наймд шалгарч чадлаа. Тус тоглолтод Туркийн шигшээ багаас №12 Adis Lagumdzija гайхалтай тоглолтыг үзүүлж, довтолгоогоор 25 оноо, хаалтаар 1 оноо, давуулалтаар 2 оноо авч, бүх тоглогчдыг тэргүүлсэн байна. Туркийн шигшээ баг шөвгийн наймд дэлхийн чансааны №1 Польшийн шигшээ багтай тоглоно.

ДАШТ-ий шөвгийн 16-ийн хоёр дахь тоглолт дэлхийн чансааны №1 Польшийн шигшээ баг болон дэлхийн чансааны №9 Канадын шигшээ багуудын хооронд дөрвөн ээлжийн тоглолт болж, 3-1 харьцаатай Польшийн шигшээ баг хожил байгуулж, шөвгийн наймд шалгарч чадлаа. Тус тоглолтод Польшийн шигшээ багаас №16 Kamil Semeniuk 18 оноо авч багаа тэргүүлсэн бөгөөд довтолгоогоор 15 оноо, хаалтаар 3 оноо авсан байна. Польшийн шигшээ баг шөвгийн наймд Туркийн шигшээ багтай тоглоно.