Эрэгтэйчүүдийн Волейболын 21 дэх удаагийн ДАШТ Филиппин улсын Pasay болон Quezon хотод зохиогдож байгаа билээ. Эрэгтэйчүүдийн ДАШТ-ий шөвгийн наймын эхний хоёр тоглолт өнөөдөр явагдана.

ДАШТ-ий шөвгийн наймын эхний тоглолт дэлхийн дөрвөн удаагийн аварга, дэлхийн чансааны №2 Италийн шигшээ баг болон дэлхийн чансааны №15 Бельгийн шигшээ багууд тоглоно. Тус хоёр улсын шигшээ багууд ДАШТ-ий F хэсэгт таарч тоглож, таван ээлжийн гал гарсан тоглолтод Бельгийн шигшээ баг 3-2 харьцаатай хожиж, шуугиан тарьж байв. Итали болон Бельгийн шигшээ багуудын тоглолт Монголын цагаар 15:30 цагаас эхэлнэ.

Итали vs Бельгийн шигшээ багуудын сүүлийн гурван тоглолтын үр дүн:

Итали 2-3 Бельги /2025 он, ДАШТ, хэсгийн тоглолт/

Бельги 0-3 Итали /2023 он, ЕАШТ/

Итали 3-1 Бельги /2021 он, Олон улсын нөхөрсөг тоглолт/

ДАШТ-ий шөвгийн наймын хоёр дахь тоглолт дэлхийн гурван удаагийн аварга, дэлхийн чансааны №1 Польшийн шигшээ баг болон дэлхийн чансааны №14 Туркийн шигшээ багууд тоглоно. Польш болон Туркийн шигшээ багууд хамгийн сүүлд энэ оны 5-р сард “Nations League” тэмцээний хүрээнд Польшийн шигшээ баг гурван ээлжийн тоглолтод 3-0 харьцаатай илүүрхэж байв. Польш болон Туркийн шигшээ багуудын тоглолт Монголын цагаар 20:00 цагаас эхэлнэ.

Польш vs Туркийн шигшээ багуудын сүүлийн гурван тоглолтын үр дүн:

Турк 0-3 Польш /2025 он, Үндэстнүүдийн лиг/

Польш 3-0 Турк /2024 он, Үндэстнүүдийн лиг/

Турк 2-3 Польш /2015 он, ЕАШТ/