Үндэсний дээд лигийн эмэгтэй Плэй-Ин ий тоглолтууд өнгөрөгч амралтын өдрүүдэд өндөрлөлөө. Дээд лигийн 2024-2025 оны улирлын тоглолтууд өндөрлөсөн ба Плэй-оффт шалгарч чадаагүй хоёр баг болон М Хөгжлийн лигийн аварга болон дэд байр эзэлсэн багууд ирэх жил буюу 2025-2026 оны улиралд Дээд лигт өрсөлдөх эрхийн төлөө Плэй-Инд өрсөлдсөн юм. 

Энэ улиралд 4-11 амжилттайгаар 5-р байраар шалгарсан АО Скорпионс клуб болон М Хөгжлийн лигийн Дэд аварга Дусал тус ШУТИС Шаркс клубүүд хоорондоо учраа таарав.

Плэй-Иний шийдвэрлэх нэг тоглолтод ялсан баг шалгарах тулаанд АО Скорпионс баг 62-46 харьцаатай Дусал Тус Шутис Шаркс-ыг буулган авч, ирэх жил дахин Үндэсний Дээд лигт өрсөлдөх эрхээ баталгаажууллаа. Тус тоглолтод З.Оюунчулуу 12 оноо, 14 самбар, 5 дамжуулалт, 3 бөмбөг таслалт гүйцэтгэж багаа тэргүүлжээ.

Харин Дээд лигийн сүүл мушгисан Старс клуб М Хөгжлийн лигийн аварга Эрхэт Тэгри Шагай клубүүд хоёр тоглолтод түрүүлж хожих цувралд учраа таарлаа. Цувралын эхний тоглолтод Старс клуб 81-76 харьцаатай эхний хожлоо авсан бол өчигдөр цувралын хоёр дахь тоглолт явагдаж 81-70 харьцаатайгаар Старс клуб хожил байгуулжээ. Ийнхүү Старс баг  Плэй-Иний цувралд М Хөгжлийн аварга Эрхэт Тэгри Шагай багийг "2-1" харьцаатай ялж, МСБХ-ны Үндэсний Дээд Лигийн 2025-26 оны улиралд дахин оролцох эрхээ авсан байна.

АО Скорпионс болон залуу бүрэлдэхүүтэй Старс клубүүд Үндэсний Дээд лигийн ирэх жилийн өрсөлдөөн улам хүчтэйгээр эргэн ирнэ гэдэгт итгэлтэй байна.