Өнгөрсөн зун Нью Орлеанс Пеликанс багаас Дежонте Муррэйн солилцооны хавчуургад нь явж Атланта Хоксд очсон Дайсон Даниелс энэ улирал шинэхэн багтаа тун сайн идээшиж сэлгээний тоглогчоос гарааны чухал хамгаалагчийн байр сууринд ирж өсөн дэвжээд байгаа билээ.
Тэгвэл 21 настай Авсрали залуу хуучин баг болох Пелинксын тухай ингэж хэлж ээ:
"Энэ баг бүрэлдэхүүн бол бүхэлдээ хараагдсан баг. Шинэ улирал болгон л тэнд ямар нэгэн бэртэл гэмтэл дагуулсаар ирсэн. Тэнд байхгүй байгаадаа би маш их баяртай байна. Би Пеликансд байх хугацаандаа бараг 4-5 удаа шагайгаа гэмтээж байсан. Тэнд яалт ч үгүй ямар нэгэн далдын зүйл хүчин нөлөөлөөд байдаг юм шиг санагддаг. Шөрмөс, өвдөг, шагай, бугуй, тархи доргилт гээд байж болох бүхий л гэмтэл тэнд байна. Яагаад ийм байдгийг би ёстой мэдэхгүй юм. Зүгээр л хэтэрхий хүчтэй, ширүүн тоглоод байдаг юм болов уу?"
Үнэхээр л энэ багт улирлын хамгийн эхний тоглолтоос л тэдэнд азгүйдэл тохиож эхэлсэн. Атлантад ноднин жил эрүүл саруул боломжит 82 тоглолтоос 78-д нь оролцоод солилцоогоор ирсэн Дежонте Муррэй улирлын хамгийн анхны дебют тоглолт дээрээ шууд л гарын ясаа цуулсан байдаг.
Яг одоогийн байдлаар тэд өнөөдөр Индиана Пэйсерсд ялагдал хүлээж 5-22 гэсэн аймшигтай муу амжилттайгаар бүсийнхээ адагт явж байна. Зион Уиллиамсон - шөрмөс, Брэндон Инграм - шагай, Хосе Алварадо - шөрмөс, мөн Хөрб Жонс, Трей Мөрфи зэрэг үүргийн тоглогчид нь бэртлээс ирээд удаагүй байна.
