Манай байр дунд голын эрэг дээр шахуу байдаг байлаа. Тэр үед 90-ээд онд эцэг эхчүүд өдөржингөө байхгүй бүгд ажилтай тэгээд үлдсэн хүүхдүүд яахав өөрсдийгөө л зугаацуулдаг үе байсан л даа. Нэг өдөр байрныхан маань Энхтайвны гүүр орж “Жапак” загас барья гэхээр нь дагаад явснаа санадаг юм. За ер нь тэр үеэс л хойш сонирхоод эхэлсэн.Тэгсэн дүү маань надаас түрүүлээд “наборны дэгээ” гэж байдаг байсан тэрийг авчихсан “2-улаа гол орж жараахай барья” гээд дун хагалж дэгээнд өлгөөд могой жараахай барьж эхэлснээр загасанд орсон байх. 1994 оны үед Туул гол орж Хадран, Зэвэг загас барьдаг болсон хүүхэд байлаа. Надтай хамт надад багшилж эхэлсэн хүүхэд бол 120-доо “Загасчин Тулгаа” нэрээрээ алдартай Маараа гэдэг хүүхэд байсан. Тэгээд бид 2 хичээлээ таслах үедээ таслаад байна байна Туул гол руу гүйдэг болсон байлаа. “Халтар царайт” гэдэг кино гарч троллейбус хүртэл антенаа хураагаад зогсож байх үед, бид 2 Туул голын зүг хов хоосон төв замаар алхаад явж байдаг байсан үе маань тод санагддаг. Яг тэр кино гарах цаг дор Улаанбаатар хот тэр чигээрээ унтдаг байсан. 1996 оны зун 7-р ангийн зуны амралтаараа анхны Тул загасаа (120см) Хөвсгөл аймгийн Алаг-Эрдэнэ сумын ойролцоох Эгийн голоос барьж байлаа. Яг загасчлалын спорт руу гэвэл 2001 онд спортын загасчлалын анхны УАШТ-нд орсноор эхэлсэн байх. 2005 онд John wulff-ийн “School of Fly fishing” сургуулийг Америкийн New-York, Lew beach-д (зураг-1) очиж төгссөнөөр мэргэжлийн загасчлалд орох эхлэл тавигдан 2012 оноос Монголд загасчлалын спорт утгаараа дэлгэрч “загасчин тамирчид” гэсэн спортын тодотголтой загасчид бий болж эхэлсэн. Би тэгэхээр загасчлал гэдэг зүйлийг сонирхоод нийтдээ 28 жил, яг мэргэжлийн загасчлалын гэж үзвэл 10 жил болж байна. Энэ хугацаанд Америк, Норвегт гээд 2 ч (зураг 2,3,4,5) загасчлалын дэлхийн аварга шалгаруулах тэмцээнд оролцож үзсэн. Тэр бүхэн маань өнөөдөр туршлага болоод хуримтлагдаад явж байгаа. Өөр спорт гэвэл багадаа Гомбогэрэл, Эрдэнэбилэг багшийн удирдлага дор 4 жил кёкушинкай каратегээр “Кёкушинкай Карате Кай” клубт хичээллэж байсан. Мөн роликоор (чөлөөт дугуйт тэшүүр) “УАШТ-1998” тэмцээний улсын аварга болж байлаа.

Хүүхэд байхаасаа кассет CD, гадаад хөгжмийн сэтгүүлүүд гээд ер нь л хөгжмийн хоббитой хүүхэд байсан. Одоо фото зураг авах сонирхолтой. (Аав маань фото зураг авах сонирхолтой хүн байсан) Дэлхий дээр гарч байгаа хамгийн сүүлийн үеийн камер дуран гээд ер нь л аваад цуглуулна даа. Каноныг тултал цуглуулж байгаад зараад, одоо Sony-гийн A сериал руу орсон байгаа. Бас загасны хэрэглэл цуглуулдаг. Юу ч дутуу байлгахыг хүсдэггүй. Цөм бүрэн байхын тулд цуглуулгадаа байнга ямар нэгэн шинэ зүйлс нэмсээр байдаг. Өнөөдөр надтай дүйцэх нарийн загасны хэрэглэлтэй хүн энэ улсад лав байхгүй байх. Учир нь спортын загасчлалын нарийн хэрэглэлүүд ба бүх төрлийн дэгээт загасчлалын хэрэглэл 2-ыг холисон цуглуулга. Мөн чөлөөт цагаараа өөрийн урландаа загасны өгөөш урладаг. Надад нэг уриа үг бий. Зав гарвал загасанд явж, завсар гарвал дуугаа хийнэ дээ! гэж.

Шантармаар зүйлтэй тулгарч байснаа сайн мэдэхгүй байж магадгүй. Яг өөрт бол нээх шантраад зовоод байсан юм бол байгаагүй. Тэгээд л сайхан урсгалаараа аажуу уужуу тайван л явж ирсэн дээ.

Таньдаг бөгөөд танигдаагүй хүнээс л айдаг даа. Яагаад гэдэг нь хэнд ч тодорхой байх.

Хамтлагаа сонгох уу, энэ бүгдийгээ бүр орхиод гадаад улс руу олон жилээр суралцахаар явах уу гэдэг сонголтод дээр тулж байлаа. Тэгээд хүсэл мөрөөдлөө дагаж шийдвэрээ гаргаж үлдсэн байдаг юм.

Монгол бууз, хуушуур, цуйван гэдэг хүнд хоолнууд, тэгээд будаатай хуурга гэдэг хоолонд их дуртай. Яагаад гэдгээ мэдэхгүй хэдэн жил ч идсэн уйдахгүй. Хүн ер нь тийм хоол байнга идээд залхлаа гээд байдаг. Яг үнэндээ өлсөж байгаад идвэл уйддаггүй юм билээ.

Хариуцлагагүй хэлсэндээ хүрдэггүй занд дургүй. Хүн итгэчхээд байхад хүний итгэл алдаг занд маш дургүй. Мөн дээр нь хүмүүсийн гаргадаг бүдүүлэг занд дургүй.

Аль болох л ганцаараа байж даван туулахыг боддог. Гэхдээ бэрхшээл бүхэн янз янз. Тухайн үеийн байдлаасаа хамаарна. Аль болох хэнээс ч юу ч гуйхыг хүсдэггүй. Гэхдээ бусдын тусламжийг авах цаг ирэх л байх.

2017 онд Монголын улсын спортын мастер цолыг загасчлалын спортоор хүртэж байсан. Тэмцээний байр шагналууд гэвэл нэлээд олон байгаа. Яг спортын цол зэрэг гэдгээсээ гадна флай загасчлалаар орчин цагт Туул голоос баригдсан 2 Тул загасны рекордыг албан ёсоор би эзэмшдэг. Монголын зөв зохистой загасчлалыг дэмжих сангаас өргөмжлөл хүртэж байсан. (110см) 2019 оны 11-р сарын 03. (120см) 2022 оны 06-р сарын 15.

Хамгийн ойрын гэвэл шинэ дуунуудаа гаргах. 2022 оны 09-р сарын 03-ны өдөр төв цэнгэлдэх хүрээлэнд Lumino & Tatar “The Best” нэртэй шоунд анхаарлаа хандуулж байна. Үүний дараагаар мэдээж хийгдэх ажил маш их байгаа.