2005 онд Улаанбаатар хотод төрж өссөн. Ам бүл тавуулаа. Нэг эгч, нэг эрэгтэй дүүтэй. Манайхан бүгд спортын хүмүүс байдаг. Аав маань самбо, жүдогийн ОУХМ, улсын өсөх идэр начин М.Жамъяанпүрэв. Ээж маань волейболын спортын ОУХМ Л.Нарантуяа. Эгч маань спортын дэд мастер цолтой. Дүү маань волейболын бэлтгэлд явж эхлээд удаагүй байгаа. Сонирхуулахад, аав, ээж хоёрын талаас хоёулангаас нь бөхийн удамтай. Тус, тусынхаа спортдоо мундаг хүндлэгдсэн хүмүүс байдаг болохоор аав, ээжээрээ маш их бахархаж явдаг. Би багадаа их хөдөлгөөнтэй, уйланхай хүүхэд байсан гэсэн. Айлд хоёр цаг үлдээгээд явахад яг л 2 цаг уйлдаг байсан гэнэ лээ.
