Чөлөөт бөх бол ухаан, тэвчээрийн туйл, тууштай байдал, хамгийн шударга зүйл. Хүн бүхний нүүрэнд инээмсэглэл тодруулж, аз жаргалтай болгодог. Гоё мэдрэмжүүдийг төрүүлсэн болохоор маш их татагдаж хичээллэх болсон доо. 2014 оноос анх бөхийн чөлөөт барилдаанаар хичээллэж эхэлсэн. Дэлхийн бүх орны хүмүүс чуулсан тив дэлхийн тэмцээн дээр Эх орон, аавынхаа нэрийг дуудуулж гарах минь л хамгийн сайхан нандин дурсамж сэтгэлд тод үлддэг.

Романтик киноны дүрд тоглох байсан бол Titanic, Beauty and the beast кинонд тоглож үзэх байсан. Багадаа Анхны хайр, Чингис хаан, Мөнх тэнгэрийн хүчин дор гэсэн кинонуудыг үзэх дуртай байсан. Хүүхэлдэйн кино бол the Lion king, Мангасуудын их сургууль, Винни Пүүхийн бяцхан адал явдал үзэх дуртай байсан.

Өөрийн чин хүсэл зорилгоор орж энэ спортыг сонгосон болохоор жил жилээр л амжилт минь ахисаар ирсэн улсын аварга болж, 4 насны ази тивийн аваргаас медаль хүртэж, 3 насны дэлхийн аваргаас медалиуд авсан байна. Цаашид олон сайхан амжилт гаргаж илүү их ихийг сурч мэдэж хичээх болно. Мэдээж миний хувьд амьдрал дээр маань зөндөө олон ахиц дэвшил гарсан урам зориг, ихийг сурсан, суралцсан зүйлүүд их байгаа. Миний цаашид зорилго гэвэл олон сайхан амжилт үзүүлэх, олимпын эрхээ авчихсан байгаа учраас олимпын наадамд өндөр амжилт гаргах тийм медаль авна гэж бичих биш бэлтгэл бүх зүйлдээ анхааралтай хандаж явахад бол хүрнэ гэсэн зорилго доо хүрнэ. Санаанд минь багтсан зорилгууддаа хүрч, сэтгэл хүрсэн газар бие хүрнэ л гэж бодож явдаг даа.

Хүн болгоныг өвчин зовлонгүй эрүүл саруул, аз жаргалтай болгох супер хүчтэй байх байсан. Бүхнийг хормын төдийд эмчилж, аз жаргалтай болгох. Яагаад гэвэл хамгийн гол нь эрүүл байх хэрэгтэй эрүүл байхын бол хүн юу ч хийж чадна

Хамгийн дуртай хоол бол будаатай шөл. Тамирчин болоод жин хасаж барилддаг болохоор л маш их дуртай болсон доо бусад хоол бол нээх онц санагддаггүй.

Найз залуутай. Эрэгтэй хүний хүлээцтэй, шударга, ёс зүйтэй шинж чанарт маш их дуртай. Ажилсаг, хөдөлмөрч тууштай, эмэгтэй хүнийг хүндэлдэг эрэгтэй хүн хамгийн их таалагддаг.

Чөлөөт цаг гарвал гэртээ цагийг зугаатай үр бүтээлтэй өнгөрүүлэх, дуу сонсох, гар бөмбөг тоглох, тэмдэглэл хөтлөх дуртай. Дуртай кино Монголоос Миний хайр, Zura, Солдатик. Дуртай хамтлаг “The Hu”, Сүнс, Хурд, Westlife, Мотив, Увертюра. Дуртай дуучид Мишээл, Хишигдалай, Thunderz, Selena Gomez, Жавхлан, Анужин, Агиймаа. Сүүлийн үед их сонсох дуртай дуунууд Зүүдэнд ургасан тэр минь, Дүүрэн, my love, Ганц удаа.

Хүнд тус хүргэх, хүнийг баярлуулах нь намайг хамгийн жаргалтай болгодог. Миний хувьд олон хүнд тустай дэмтэй явахыг хүсдэг. Тэр зан минь намайг олны дунд сайхан байхыг сургасан болов уу гэж боддог, хүнийг хүндэлж хайрладаг болохоор тэр чинээгээрээ хайр хүндэтгэл аз жаргал надад ирдэг. Хамгийн гол нь өөрийнхөө зан чанарыг эвдэхгүй хүн байх нь л чухал гэж дандаа өөртөө сануулж байдаг. Бусад нь бол болно бүтнэ л гэж бодож явдаг.

Худал хуурмаг байх, шударга бус үйлдэл гарахад л хамгийн их уур хүрдэг. Ёс зүйгүй занд хамгийн дургүй. Монгол хүн болгонд нийгэм ээлтэй, эх орон газар шороондоо эзэн Монголчууд байгаасай гэж хүсдэг. Аливаа ямар нэгэн зүйл дээр зөв бодлоготой байж, хөгжиж дэвшсэн спорт урлаг гэх мэтчилэн Монголыг дэлхийд сурталчилсан бүх зүйл дээр дэмжлэг сайн байх хэрэгтэй гэж боддог. Ёс зүйтэй улс шиг улс зөв нийгэм, зөв хүмүүстэй байгаасай л гэж бодож явдаг.