West Ham 1:5 Chelsea

West Ham United клуб өөрсдийн “London” цэнгэлдэх хүрээлэндээ КДАШТ-ий аварга Chelsea клубийг хүлээн авч тоглолоо. Тоглолтын дөнгөж 6 дахь минутад El Hadji Malick Diouf-ийн дамжуулалтаар Lucas Paquetá гоол оруулж талбайн эзэд 1:0 болгов. Тоглолтын 15 дахь минутад Marc Cucurella-ийн дамжуулалтаар Chelsea клубийн шинэ цэрэг João Pedro гоол оруулж 1:1 болгов. Улмаар тоглолтын 23 дахь минутад João Pedro-ийн дамжуулалтаар Pedro Neto гоол оруулж 1:2 болгон талбайн зочид тэргүүлж эхлэв. Тоглолтын 34 дэх минутад Chelsea клубийн шинэ цэрэг Estêvão-ийн дамжуулалтаар Enzo Fernández гоол оруулж 1:3 харьцаатай эхний хагасыг Chelsea клуб давамгайлав. Тоглолтын хоёрдугаар хагасын 54 дэх минутад Moisés Caicedo гоол оруулж тооны харьцааг 1:4 болгов. Түүний гоолоос ердөө 4 минутын дараа João Pedro-ийн дамжуулалтаар Trevoh Chalobah гоол оруулж энэ тоглолтын эцсийн цэгийг тавьж 1:5 харьцаатай талбайн зочин Chelsea клуб хожил байгууллаа.

Manchester City 0:2 Tottenham

Manchester City клуб өөрсдийн алдарт “Etihad” цэнгэлдэхдээ Tottenham Hotspur клубийг хүлээн авч тоглолоо. Тоглолтын эхнээс талбайн эзэд бөмбөг илүүтэй эзэмшиж хэд хэдэн аюултай боломжийг үүсгэж байсан ч тоглолтын 35 дахь минутад Richarlison-ий ганган дамжуулалтаар Brennan Johnson гоол оруулж тооны харьцааг нээв. Улмаар тоглолтын эхний хагас дуусахтай зэрэгцэн Manchester City клубийн хаалгач James Trafford-ийн маш том алдааг João Palhinha амжилттай ашиглан тооны харьцааг 0:2 болгон холдуулав. Тоглолтын хоёрдугаар хагаст талбайн эзэд олон аюултай боломж үүсгэж байсан ч талбайн зочдын хамгаалалт сайн байж үр дүнгээ хадгалж чадсанаар 0:2 харьцаатай Tottenham Hotspur клуб улирлын 2 дахь хожлоо авч чадлаа.

Arsenal 5:0 Leeds United

Сүүлийн гурван улирал дараалан хоёрдугаар байрт бичигдсэн Arsenal клуб өөрсдийн алдарт “Emirates” цэнгэлдэх хүрээлэндээ Leeds United клубийг хүлээн авч тоглолоо. Тоглолтын 34 дэх минутад талбайн эзэд булангийн цохилтоос Declan Rice-ийн дамжуулалтаар Jurrien Timber мөргөж гоол оруулан 1:0 болгов. Тоглолтын эхний хагас дуусахтай зэрэгцэн 45+1 дэх минутад Jurrien Timber-ийн дамжуулалтаар Bukayo Saka гоол оруулж 2:0 болгов. Хоёрдугаар хагас эхлээд 48 дахь минутад Arsenal клубийн шинэ цэрэг Viktor Gyökeres гоол оруулж тооны харьцааг 3:0 болгов. Тоглолтын 56 дахь минутад булангийн цохилтоос орж ирсэн бөмбөг бужигнаан дундаас Jurrien Timber гоол оруулж 4:0 болгов. Тоглолтын үндсэн цаг дуусаж 90+5 дахь минутад Arsenal клуб 11 метрийн торгуулийн цохилтын эрхийг авч Viktor Gyökeres гоол оруулан 5:0 харьцаатай талбайн эзэд буулган авч улирлын 2 дахь хожлоо авч чадлаа.

Хоёрдугаар тойргийн бусад тоглолтын үр дүн:

Bournemouth 1:0 Wolverhampton

Burnley 2:0 Sunderland

Brentford 1:0 Aston Villa

Crystal Palace 1:1 Nottingham forest

Everton 2:0 Brighton

Fulham 1:1 Manchester United

Newcastle vs Liverpool Өнөөдөр шөнө 03:00 цагаас тоглоно.