Олон улсын хөл бөмбөгийн холбоо 2023 оны шилдэг эрэгтэй хөлбөмбөгчний шагналд нэр дэвшиж, эцсийн шатанд шалгарсан тамирчдыг зарлалаа. Энэхүү эрхэм хүндтэй шагналын төлөө “Манчестер Сити” клубийн норвег од Эрлинг Хааланд, “Пари Сен-Жермэн”-ий франц довтлогч Килиан Мбаппе, “Интер Майами”-гийн аргентин супер од Лионель Месси нар өрсөлдөхөөр болжээ. Норвеги тоглогч Хааландын хувьд өнгөрсөн улиралд Манчестер Ситиг Аваргуудын лиг, Английн Премьер лиг, Холбооны цомын гурван том цом авахад тусалсан.
Харин Месси 2022 онд Аргентины шигшээ багийн хамт дэлхийн аварга шалгаруулах тэмцээнд түрүүлснээр энэ шагналыг авч байсан бөгөөд энэ амжилтын дараа тэрбээр Мбаппегийн хамт Парис Сент Жерментэй клубт Лиг 1-ийн аварга болсон бөгөөд Мажор лигийн хөлбөмбөгийн Интер Майами багт шилжсэн. Тодруулбал, 2022 оны хөлбөмбөгийн дэлхийн аварга шалгаруулах тэмцээний шувтаргын тоглолтод учраа таарсан Месси, Мбаппе хоёр мөн онд энэхүү шагналын төлөө өрсөлдөж, Месси шагналын эзнээр тодорч байв. 2016 оноос олгож эхэлсэн уг шагналыг оны хамгийн шилдэг тоглогчид гардуулдаг билээ.
