Азийн хөлбөмбөгийн холбооны клубүүдийн нэр хүндтэй тэмцээн болох "AFC Cup" тэмцээнд өрсөлдөж буй FC Ulaanbaatar клуб өнөөдөр Тайванийн "Taichung Futuro" клубтэй тоглож, үндсэн цагт 2-1-ээр буулган авлаа. Хэсгийн сүүлийн тоглолтын 31' дэх минутад Г.Гантогтох гоолын салхийг хагалж, 39' дэх минутад Н.Крусевач хоёр дахь гоолыг оруулжээ. Улаанбаатар клуб нь дээд лигийн өнгөрсөн улиралд аваргаар тодорч анх удаа улсаа төлөөлж Азийн цомын тэмцээний өрсөлдөөнд анхны хожлыг аваад зогсохгүй Азийн клубүүдийг удаа, дараа буулган аваад байна.

Улаанбаатар клуб хэсгийн сүүлийн тоглолтондоо 2:0-ээр хожсон бол AFC Cup тэмцээний хасагдах шатанд үлдэх байсан юм.  Хасагдах шатанд үлдэхэд ердөө ганцхан гоол л дутаж, тэмцээний турш 6 тоглохдоо 4 хожиж, 12 оноо цуглуулж чадав. Тус клуб нь 2022-23 оны дээд лигт аваргаар тодорч, ийнхүү улсаас төлөөлөн Азийн цомын тэмцээнд оролцож хүснэгтийн манлайд зуузай холбон өрсөлдсөн нь яахын аргагүй Монголын хөлбөмбөгийн ертөнцийн энэ оны онцлох амжилт байв