Techno гэдэг нэрийн тухайд Technoblade гэх Youtuber-ийг үздэг байсан, Тэрнээс санаа авсан. 4K гэдэг нь миний анхны дуртай тоглогч болох Stewie2K-ээс санаа авч ,4-ийн тоогоор бичихэд гоё харагдаж байсан болохоор ийм нэртэй болсон доо.

Анх CSGO 2018 онд худалдаж авч тоглож байсан. Тухайн үед гадаад тоглогч нарын Highlight, Vlog, тэмцээн гэх зүйлс нь тоглох хүсэл, урам зориг маш их өгдөг байсан. Mongolz багтайгаа энэ нэрэн доор тоглохоос өмнө байсан. Миний хамгийн анхны мэргэжлийн том баг бол CHECKMATE. 2020 онд багтаа орсон. Багтаа тэр үеэс одоог хүртэл явсаар Mongolz гэх нэрэн доор ирсэн. Хичээл номоо тааруулаад явж байсан болохоор дотны хүмүүс маань дургүйцэж байгаагүй.

Өдөрт тогтмол 8-10 цагийн бэлтгэл хийдэг. Бэлтгэлийн байр гэвэл хотод байрлалтай, хангамжийн хувьд сайн байдаг.

Хамгийн их урам зориг авсан үе гэвэл 2022 оны PGL RMR тэмцээнд тоглож, хамгийн том тэмцээн болох MAJOR тэмцээнд шалгарсан нь хамгийн сайхан үе байсан. Энэ спортоор явсандаа маш их баярладаг.

Хамгийн дуртай skin гэвэл AWP-Asiimov. Яагаад гэвэл AWP гэдэг буун дээр төгс харагддаг skin шиг санагддаг даа.

Эмэгтэй хүнд хамгийн чухал зүйл бол ухаалаг бас үнэнч байх ёстой гэж боддог. Найз охин байхгүй.

Чөлөөт цагаараа юм судалж, шинэ мэдээлэл авах дуртай. Дуртай хамтлаг гэвэл LE SSERAFIM , NewJeans. Дуртай дуучин гэвэл Juice WRLD , Rokit Bay 2 юм уу даа.

Тэмцээнд хожил авах мэдрэмж хамгийн төгс мэдрэмж дээ. Тэр тусмаа том тэмцээнд. Түрүүн хэлсэнчлэн анхны MAJOR-ийн үе бол төгс.

Цаашид улам илүү амжилт гаргаж том тэмцээнүүдэд аварга авах л зорилготой байна даа.