NBA-гийн багууд шинэ дүрмийн дагуу энэ улиралд нэг тоглолтод зөвхөн нэг од тоглогчийг амраах боломжтой бөгөөд үүнийг зөрчвөл сая, сая долларын торгууль төлөхөөр боллоо. Тоглогчийн оролцооны бодлого нь од тоглогчийг өмнөх гурван улиралд Бүх NBA-ын баг эсвэл NBA-гийн бүх оддын багт сонгогдсон тоглогч гэж тодорхойлдог.
NBA-ийн комиссар Адам Силвер "Хэрэв та бүхэн лигийн явцад бэртэлгүй, эрүүл байгаа бол тоглох ёстой" гэж хэлсэн байна. NBA-гийн багууд аравдугаар сарын 24-нөөс дөрөвдүгээр сарын 19-ний хооронд улирлын 82 тоглолт хийнэ. Ийнхүү багууд нэг тоглолтонд нэгээс илүү од тоглогч оролцохгүй байх боломжгүй байхын тулд нэрсийн жагсаалтыг сайтар хянаж төлөвлөх ёстой болжээ. Багууд эхний зөрчилд 100,000 доллар, хоёр дахь тохиолдолд 250,000 доллар торгууль ногдуулна. Цаашид зөрчил гаргавал өмнөхөөсөө 1 сая доллараар илүү торгууль ногдуулна. Клуб нь од тоглогчийн хожигдсон талбайн болон зочлон тоглолтын хооронд "тэнцвэрийг хадгалах" ёстой бол од тоглогчид үндэсний телевизээр гарах бүх тоглолтод бэлэн байх ёстой гэж үзэж байна. Бэлтгэлд оролцсон тоглогч тоглолтонд оролцож, "фенүүддээ харагдах" ёстой. Од тоглогчид урт хугацааны амралт байж болохгүй, бусад тоглогчид болон хөгжөөн дэмжигчдийн эрх ашигт нийцэж, тэнцвэртэй байх үүднээс ийм шийдвэр гаргажээ. Шинэ журамд гэмтэл, хувийн шалтгаан, нас, ажил мэргэжлийн ачаалал, гэмтлийн түүх зэргээс шалтгаалж, ар араас нь тоглох тоглолтуудад урьдчилан батлагдсан хязгаарлалт зэргийг үл харгалзан үзэх гэнэ. Багууд улирлын туршид ойролцоогоор хоёр өдөр тутамд нэг тоглодог. 178 өдрийн турш 82 тоглолт хийдэг. NBA өөр өөр хотуудад дараалан тоглох багуудын тоог багасгаж, нэг эсрэг багийн эсрэг ээлж дараалан зочлон тоглохыг нэмэгдүүлсэн.
NBA-гийн комиссар Адам Силвер хэлэхдээ: "Энэ бол лигт байгаа бүх хүмүүсийн нийтлэг үзэл бодол. Энэ нь зөвхөн лигийн оффис, удирдлагаас ирсэн зүйл биш юм. Бид энэ зарчим руугаа буцах хэрэгтэй гэдгийг лиг даяар хүлээн зөвшөөрч байна. Лигийн хувьд хөгжөөн дэмжигчидээ ч харгалзан үзэх ёстой. Ялангуяа залуу, эрүүл тоглогчдыг талбайд тогтмол харахад бэрхшээлтэй үеүд ч байна. Тоглогчид улирлын тоглолтууд ахих тусам, тэр байтугай ар араас нь тоглохдоо бэртэл авах магадлал нэмэгддэг гэсэн статистик тоо баримт бид олж харахгүй байна. Тиймээс бүгд эрх тэгш байх нь зүйтэй.” гэжээ.
