Олон улсын Боксын холбооны 2024 оны алдрын танхимын орчин үеийн ангилалд Майкл Мурер, Иван Калдерон, Диего Корралес, Рики "Хитмэн" Хаттон нар тэргүүлж нэрээ мөнхөллөө. Майкл Мурер 1992 онд хүнд жингийн аварга болсон анхны зүүн гартай боксчин байсан ба Эвандер Холифилдыг ялж түүх бүтээж байсан юм. Мурер карьертаа 40 удаа нокаутаар ялсан ба түүний амжилт 52 хожил 4 ялагдал 1 тэнцээтэйгээр өндөрлөсөн байна. 

Их Британийн тулаанч Хитмэн хочит Рики Хаттон Флойд Мэйветер, Мэнни Пакьяо гэх домгуудтай тулалдаж байсан ба замналдаа 32 удаа нокаутаар ялж 45-3 амжилттай боксчин юм. 

Иван Калдерон 2000 оны Олимпод Пуэрто Риког төлөөлөн боксын тэмцээнд оролцож байсан түүхтэй. Түүний замнал мөн адил олон тэргүүлэлтэй байсан ба өрсөлдөгчөө 6 удаа нокаутаар ялж 35-3-1 амжилттайгаар өндөрлөсөн юм.

Өчигдөр гаргасан уг жагсаалтын эрэгтэй төрөлд дээрх тамирчид тэргүүлсэн бол бусад номинацид доорх тамирчин болон боксын спортын зүтгэлтнүүд бичигдсэн байна. Америкийн боксын зохиолчдын холбоо болон олон улсын боксын судлаачид уг тамирчдын нэрсийг гаргасан байна. Жэйн Куч (эмэгтэйчүүдийн орчин үеийн ангилал) Ана Мария Торрес (эмэгтэйчүүдийн орчин үеийн ангилал) Луис Анхель Фирпо (хуучин цагийн ангилал) Тереза Кибби (эмэгтэйчүүдийн тэргүүлэгч ангилал) Кенни Адамс (дасгалжуулагч) Жеки Каллен (менежер) Фред Стернбург (нийтлэлч) Уоллес Мэттьюс (сэтгүүлч/ажиглагч ангилал) Ник Чарльз (нэвтрүүлэгч/ажиглагч ангилал) нар 2024 оны алдрын танхимд нэрээ мөнхөлсөн байна.