Өнөөдөр болсон Чикаго Булсс Шарлотт Хорнетс багийн тоглолтын дараа Зак Лавайн хөлийн үрэвслийн улмаас хэдэн долоо тоглолт өнжих шаардлагатай хэмээн Булссын арын албанаас мэдээлэв. Лавайн өмнө нь Нью Орлеанс Пеликанстай хийсэн тоглолт болон Милаукий Баксийн талбайд зочилсон тоглолтуудад оролцоогүй бөгөөд өнөөдөр ч мөн адил талбай дээр гарсангүй. 

Өмнөх тоглолтыг өнжсөний дараа 12-р сарын 1-нд Буллсын зүгээс түүний хөл өвдөж, зовуурьтай байгаа талаар мэдээлсэн бөгөөд эдгэрэх хугацааг 3-4 долоо хоног хэмээн тогтоогоод байна. Түүний зовуурь 11-р сарын 22-нд Оклахома Сити Тандертай хийсэн тоглолтын хоёрдугаар үеэс эхэлсэн байна. Дараа нь 11-р сарын 28-нд Бостон Селтикстэй таарч ялагдал хүлээхэд 25 минут тоглож, 9 довтолгооныхоо ердөө нэгийг л амжилттай болгосон юм. 

 

Зак Лавайны 2018 оноос хойших хамгийн муу улирал энэ жил тохиож байна. Учир нь 2017-18 оны улиралд 16.7 оноо дунджилж, 38.3% шидэлт хийснээс хойш түүний онооны дундаж болон талбайн гоолын хувь нь байнга өсөж өндөр хувьтай явсан NBA-ын шилдэг хамгаалагчдын нэг болж, хоёр улаа Бүх оддын тоглолтод сонгогдсон билээ. Энэ жил 18 тоглолтод оролцохдоо 21 оноо, 4.9 самбар, дундын зайнаас 44.3%, алсын зайнаас 33.6% тай шидэж байна.

Чикаго Булсс энэ улиралд 8-1 амжилттай хүндхэн тоглолтууд хийж яваа. Өнөөдөр Шарлотт Хорнетсыг хожсоноор өрнөд бүсийн 12-р байрт бичигдэж олны шүүмжлэлд багагүй өртөж явахад багийн гол тоглогчдын нэг Зак Лавайныг 3-4 долоо хоног алдана гэдэг тэдний хувьд маш муу мэдээ нь ойлгомжтой.