Филиппин улсын Манила хотод 10 сарын 28-29-ний хооронд зохион байгуулагдсан Ой тогтоолтын Ази тивийн аварга шалгаруулах нээлттэй тэмцээнд Монгол, БНХАУ, Филиппин, Индонези, Австрали зэрэг 7 орны 82 шилдэг тамирчид 2 өдрийн турш өрсөлдөж, шилдгүүдээ тодрууллаа. Манай улсыг төлөөлөн 16 тамирчин ОУ-ын шүүгч, дасгалжуулагч Б.Баасандорж, Ө.Сэнгэсамдан нарын хамт амжилттай оролцон нийт 90 медалиас 22 алт, 14 мөнгө, 18 хүрэл буюу нийт 54 медаль хүртэн багаараа  үнэмлэхүй ялалтыг авсан байна. 

Багийн төрөлд манай баг тамирчид 19711 оноо цуглуулан  “АВАРГА БАГ” болсон бол ганцаарчилсан төрөлд тэмцээний 10 төрлийн дараах дүнгээр: 

Бага насны ангилалд:

Алтан медаль  Б.Анужин

Мөнгөн медаль Zimam Akmal Kurnia Adha

Хүрэл медаль  Danish Irwaman

Өсвөр насны ангилалд:

Алтан медаль Их Мастер Ц.Оюун-Эрдэнэ

Мөнгөн медаль ОУ-ын Мастер Ц.Номин-Эрдэнэ

Хүрэл медаль ОУ-ын Мастер Э.Үүрийнцолмон

Насанд хүрэгчдийн ангилалд:

Алтан медаль Naoki Miwa

Мөнгөн медаль ОУ-ын Мастер Г.Мянганбаяр

Хүрэл медаль ОУ-ын Их Мастер Э.Пүрэвжав хүртжээ.

Бүх насны ангилалд:

Азийн аварга шалгаруулах тэмцээний 10 төрлийн дараах нийлбэр оноогоор 2022 оны Өсвөрийн Дэлхийн Аварга, Их Мастер, Ц.Оюун-Эрдэнэ 7198 оноогоор тэргүүлж аварга болжээ. 

ДЭЛХИЙН 5 РЕКОРД

1. Олон улсын Мастер Г.Мянганбаяр - “Зураг” - 507

2. Б.Анужин - “Зураг” - 450 (өсвөр)

3. Их Мастер Ц.Оюун-Эрдэнэ - “Хоёртын тоолол” - 5049 (өсвөр)

4. ОУ Мастер Ц.Номин-Эрдэнэ - “Баганан үгс” - 299 (өсвөр)

5. ОУ Мастер Э.Үүрийнцолмон - “Тооны марафон” - 1780 (өсвөр) 

Ийнхүү МОНГОЛЫН ОЮУН УХААНЫ АКАДЕМИ-ийн тамирчид Америк, Англи, Герман, Турк, Хятад, Хонг Конг, Сингапур, Австри, Индонез, Япон, Солонгос, Швед, Энэтхэг зэрэг 20 гаруй улсад болсон цээж бодолт, хурдан уншлага, ой тогтоолтын олон улсын 65 дахь тэмцээндээ амжилттай оролцон 124 алтан цом, 1333 медаль хүртэж дэлхийн олон дээд амжилтыг шинэчлэн тогтоож амжилтын буухиагаа үргэлжлүүлсээр байна.