Жүдо бөхийн +78 кг-ын жинд Амарсайханы Адьяасүрэн өнөөдрийн хоёр дахь медаль Монголын зургаа дахь медалийг Ханжоу-2022 Азийн наадмын татами дээр хүртлээ. Ингэснээр жүдо бөхийн төрөлд хоёр мөнгө, гурван хүрэл медалийг тус наадмаас аваад байна. А.Адьяасүрэн өнөөдөр эхний тойрогт Казакстаны бөхийг вазари үнэлгээгээр ялсан бол дараагийн шатанд Солонгосын тамирчинд ялагдсан ч хүрэл медалийн төлөө Энэтхэгийн тамирчинг торгуулиар ялж жүдо бөхийн өнөөдрийн барилдааны сүүлийн медалийн эзэн боллоо.