Евро Баскет 2025-ийн А болон С хэсгийг тэргүүлж гарсан Турк улсын шигшээ баг болон Грек улсын шигшээ багууд шөвгийн наймын тоглолтууддаа хожил байгуулж, хагас шигшээ шатанд хоорондоо тааран тоглохоор боллоо.

Одоо цаг үеийн сагсан бөмбөгийн шинэ од Алперин Сэнгүн энэ удаагийн Европын аварга шалгаруулах тэмцээнд 21.7 оноо, 10,9 самбар, 7.1 дамжуулалт дунджилж байна. Мөн нийт долоон тоглолтын дараах байдлаар 151 оноо авснаар түүний нэр шилдэг тоглогчийн шагналд өндөр байранд бичигдэж байна. 

Орчин үеийн сагсан бөмбөгт хамгийн эзэрхэг тоглогчдын нэг бол Яннис Антетокумпо юм. Яннис энэ удаагийн тэмцээнд 29.8 оноо, 9 самбар, дунджилж байна. Тэрээр ердөө таван тоглолтод оролцож 149 оноо авснаар шилдэг тоглогчийн шагналыг авах магадлалтай тоглогчдоос хоёрдугаар байранд бичигдэж байна.

Энэ хоёр баг түүхэндээ 14 тааран тоглоход 11-д нь Грек улсын шигшээ баг ялалт байгуулж, гурван удаа Турк улсын шигшээ баг хожсон байдаг. Ерөнхий хоёр багийн үзүүлж байгаа тоглолт, үзүүлэлт хоорондоо тун ойролцоо байгаа болохоор шинжээч, тоглолт тайлбарлагчид аль улсын шигшээ баг хожил байгуулах тал дээр санал нийлэхгүй байгаа юм.