Францын 1000 гаруй хүний дунд явуулсан цахим судалгаагаар Орос, Беларусийн тамирчдыг 2024 оны Парис Олимпод ямар нэгэн хэлбэрээр оролцох боломжтой гэж 72 хувь нь үзсэн байна. Санал асуулгыг Odoxa судалгааны компани Winamax болон RTL-д зориулж явуулсан бөгөөд Францын хүн амын 18 наснаас дээшхи 1005 хүнээс ирэх жилийн наадамтай холбоотой гол асуудлаар хэд хэдэн асуулт асуужээ. Үүнд Орос, Беларусийн тамирчдад наадамд оролцох боломжтой гэж үзэж Олон улсын олимпийн хороо тэднийг төвийг сахисан "хатуу нөхцөл"-ийн дагуу тэмцээнд буцаан оруулах арга замыг судалж байна. Энэ санал нь Украины талын ундуйцлыг төрүүлж, ирэх жилийн олимпод хоёр орны тамирчдыг оролцуулахыг эсэргүүцэж байгаагаа илэрхийлжээ. Харин Эммануэль Макрон тэргүүтэй Францын засгийн газар 2023 оны зун гэхэд Парис-2024 олимпод Орос, Беларусь оролцох шийдвэрийг гаргах ёстой гэж шаардаж байгаа ч эцсийн шийдвэрийг ОУОХ гаргана.

Ийнхүү Odaxa санал асуулгад оролцогчдын 72 хувь нь Оросын тамирчдыг Парист 2024 тэмцээнд оролцохыг зөвшөөрөх ёстой гэж үзсэн бөгөөд ихэнх нь үүнийг төвийг сахисан тугийн дор явуулах ёстой гэж үзэж байна. Нийт санал асуулгад оролцогсдын 44 хувь нь Оросын тамирчдыг төвийг сахисан тамирчнаар өрсөлдөх ёстой гэж үзсэн бол 28 хувь нь үндэсний өнгөөрөө оролцох боломжтой гэж хариулжээ. Харин оролцогчдын 27 хувь нь Оросын тамирчдыг оролцохыг хориглох ёстой гэсэн байр суурийг илэрхийлжээ. Орос, Беларусийн тоглогчид спортын төрлүүдэд аль хэдийн төвийг сахисан тамирчдаар өрсөлдөж байгаа юм. Олон улсын туялзуур сэлэмний холбоо саяхан Орос, Беларусийн тамирчдыг 4-р сарын дунд үеэс тэмцээндээ буцаахыг зөвшөөрсөн боловч 5-р сард Германы Таубербишофсхайм хотод болох дэлхийн аварга шалгаруулах тэмцээнийг визний хязгаарлалтын улмаас цуцлаад байгаа юм.