“Ханжоу-2022” наадмын тав дахь өдөр үргэлжилж Монголын Крикет, Сквош, Бадминтон, Гольфийн тоглолтууд болж өндөрлөлөө.  

Бадминтоны эрэгтэйчүүд болон эмэгтэйчүүдийн багын төрөл 09:00 цагаас эхэлсэн ба эрэгтэйчүүдийн баг Непал улсын багтай таарч Ж.Гэрэлсүх, Б. Хувьтөгөлдөр нар 0-2, О.Энхбат, М.Золзаяа 0-2 харьцаатай ялагдаж Э.Сумьяасүрэн 2-1 харьцаатай ялсан ч нийлбэр дүнгээр 3-1 болж эрэгтэйчүүдийн багийн төрөлд ялагдлаа. Уг тоглолтын араас эмэгтэйчүүдийн багын төрөлд манай баг Энэтхэгийн багтай таарч тоглон Г.Мягмарцэрэн, Д.Хэрлэн, Б.Хулангоо нар тус бүр ялагдаж 0-3 харьцаатай ялагдав.  

Крикетийн спортын төрөлд өрсөлдөж буй манай шигшээ баг 14:00 цагаас Мальдив улсын багтай А хэсэг таарсан ба 60/9 - 61/2 харьцаатай ялагдал хүлээлээ.  

Харин Сквош теннисний төрөлд О.Алтанхуяг дасгалжуулагчтай манай эмэгтэйчүүдийн баг А хэсэгт Тайландын багтай таарсан ба А.Уянга П.Анантанатай таарч тоглон 3-0 харьцаатай хожигдож, Б.Уранмандах Н.Супакорнтой тоглон мөн 3-0 харьцаатай дууссанаар нийлбэр дүнгээр 3-0 харьцаатай ялагдал хүлээлээ.

Гэрэл зургийг Д.Амаржаргал /Монголын спортын сэтгүүлчдийн холбоо/