Нийслэлийн биеийн тамир спортын газраас жил бүр уламжлал болгон зохион байгуулдаг ЕБС-иудын дундах сагсан бөмбөг, волейболын Улаанбаатар хотын АШТ энэ жилээс цоо шинэ өнгө төрхтэйгөөр зохиогдох гэж байна. Тодруулбал 2025-2026 оны улирлаас эхлэн MSPORTS-той хамтран Нийслэлийн Волейбол болон Сагсан бөмбөгийн АШТ-ийг мэргэжлийн лигийн хүрээнд зохион байгуулах гэж байна.

Улаанбаатар Кап нь нийслэлийн 9 дүүргийн бүх Ерөнхий боловсролын сургуулиудын дунд таван насны ангилалд 6 сар гаруй хугацаанд сурагчид өрсөлдөж, Улаанбаатар хотын шилдгүүдээ тодруулна. Тэмцээн 11-р сарын 01-нд эхлэх хуваарьтай байна.

Тэмцээний төрөл болон ангилал:

САГСАН БӨМБӨГ /эр, эм/

Ахлах ангилал /10, 11, 12-р ангийн сурагчид/

Дунд ангилал /7, 8, 9-р ангийн сурагчид/

Бага ангилал /6-аас доош ангийн сурагчид/

ВОЛЕЙБОЛ /эр, эм/

Ахлах ангилал /10, 11, 12-р ангийн сурагчид/

Дунд ангилал /7, 8, 9-р ангийн сурагчид/

10-р сарын 15-нд Улаанбаатар Кап тэмцээний техникийн зөвлөгөөний хурал болж өнгөрлөө.

Уг хурлаар:

1. Тэмцээний зохион байгуулалт
2. Тэмцээний Медиа ажлууд хэрхэн хийгдэх
3. Статистик мэдээлэл хэрхэн авах
4. Тоглолтын хуваарь
5. Ирэх жилийн Кап-ын формат
6. Тоглолтын журам
7. Шагнал урамшуулал
8. Багуудын оноолт
9. Тэмцээн явагдах формат
10. Зарчим зэрэг зүйлсийг албан ёсоор танилцуулжээ.

Та бүхэн техникийн зөвлөгөөний хурлаар танилцуулан САГСАН БӨМБӨГ-ийн танилцуулгыг ЭНД дарж, ВОЛЕЙБОЛ-ын танилцуулгыг ЭНД дарж танилцах боломжтой.

Мөн УЛААНБААТАР КАП-ын албан ёсны ЛОГО-г ЭНД дарж татаж авна уу. Уг тэмцээнд одоогийн байдлаар 250 гаруй сургууль, 2000 орчим баг, 30,000 гаруй тамирчид өрсөлдөхөөр бэлтгэж байна. Та бүхэн тэмцээнтэй холбоотой албан ёсны мэдээллийг Ulaanbaatar Cup / Улаанбаатар кап сошиал хаягуудаар хүлээн аваарай.