Яннис Антетокоунмпо Милуоки Бакс багийн хамт НБА-ийн 13 дахь улиралдаа оролцоход бэлэн болж байна. Түүний урт хугацааны ирээдүй болон өөр баг руу шилжих талаар олон нийт анхаарлаа хандуулсан хэвээр. Хэдийгээр Баксын төлөө дахин нэг аварга гэсэн амлалтаа нотлохоор жил бүр хичээж байгаа ч хоёр удаагийн MVP Яннис "Хүн" гэдгээ хүлээн зөвшөөрч, үргэлж өрсөлдөх чадвартай хэвээр үлдэхийг хүсдэг ч ирээдүйд бүх зүйл өөр байх боломжтой гэдгийг ухаарсан гэдгээ мэдэгджээ.

Тэрөээр саяхан өөрийн төрөлх Грек улсын хэвлэлд ярилцлага өгөхдөө NBA-ийн замналынхаа дараах төлөвлөгөөнийхөө талаар анх удаа ам нээв.

Антетокунмпо Грекийн ANT1 сувгийн "The 2Night Show" нэвтрүүлэгт оролцож, сагсан бөмбөгийн замналаа хэрхэн дуусгах талаар ярилцжээ.

Яннис:

"Би одоо 30 настай, 36-38 нас хүртлээ NBA-д тоглож чадна. Би Грекийн багт карьераа дуусгамаар байна, яагаад болохгүй гэж?Би АНУ-д амьдрахыг хүсэхгүй байна. Би НБА-ын замналаа өндөрлүүлсний дараа Грек рүү буцаж очихыг хүсэж байгаа. Би энд Филатлитикос, Олимпиакос, Панатинаикос эсвэл Арис гэж нэрлэгдсэн Грек багуудад замналаа өндөрлүүлэхийг хүсэж байна" гэжээ.

Түүний тайлбар нь түүний эхнэр, хүүхдүүд аль хэдийн Грек рүү нүүсэн гэсэн таамаглал дунд гарсан бөгөөд Антетокунмпо няцаасан юм. Энэ мэдэгдэл нь гэр бүлийн хувьд чухал үйл явдалтай олон талаараа давхцаж байна. Тодруулбал Бакс саяхан түүний дүү Алекс Антетокоунмпотой хоёр талын гэрээ байгуулсан. Ийнхүү Яннис, Танасис, Алекс гэсэн төрсөн гурван ах дүү нар НБА-гийн түүхэнд нэг багт тоглосон анхны ах дүү гурвал болж байна.

Түүний Бакстай байгуулсан гэрээ 2027-28 оны улирлыг дуустал бөгөөд Баксын хамгийн том багана, суурь хэвээрээ байгаа. Харин түүний дараа тэрбээр замналынхаа хамгийн том шийдвэрүүдийн нэгийг хийх болно.