3 сарын 6
Энэ өдрийн хамгийн оргил тоглолт маш сонирхолтой болж өнгөрлөө. Paris Saint-Germain бүтэн тоглолтын турш 27 цохилтоос 10 нь хаалгаа оносон ч гоол оруулж чадаагүй.
Харин Liverpool хаалгаа оносон 2 цохилтоос 1 нь гоол болж, Anfield-руу давуу талтай явахаар боллоо. Цорын ганц гоолыг Harvey Elliott 86 минутад сэлгээгээр орж ирэн 87 дах минутад хийсэн.
Италийн Serie A лигийг тэргүүлэгчид хасагдах шатны эхний тоглолтдоо эсрэг багийн талбай дээрээс ядах зүйлгүй хожил аван өөрсдийн талбай руу шилжиж байна.
Энэхүү тоглолтод Inter Milan-ы урд шугамын хоёр тоглогчид Marcus Thuram, Lautaro Martínez гоол хийсэн.
Inter Milan "Аваргуудын лиг"-ийн түүхэнд 3+ түрүү авсан 8 багийн нэг бөгөөд хамгийн сүүлд 2022/23 улиралд шигшээд шалгарч мөнгөн медаль хүртсэн түүхтэй.
Benfica өөрсдийн талбай дээрээ хүн дутуу Barcelona-г баралгүй хожигдож эсрэг багийн талбай руу шилжиж байна.
Тоглолтын 22 дах минутад төвийн хамгаалагч Pau Cubarsí улаан хуудас аван талбайг орхисон ч 61 дэх минутад тоглолтын цорын ганц гоолыг Raphinha оруулсан.
Энэ улиралд "Аваргуудын лиг"-т хамгийн олон гоолд оролцсон тоглогчоор 9 гоол, 5 гоолын дамжуулалт гүйцэтгэснээр Raphinha тэргүүлж байгаа.
Германы лигийн өнөө цагийн өнгийг тодорхойлох аваргууд бүх тэмцээний хүрээнд 103 удаа хоорондоо таарч тоглож байсан ба "Аваргуудын лиг"-ийн хувьд анх удаа таарч тоглосон.
Тоглолтод Nordi Mukiele улаан хуудас аван эсрэг талаас Harry Kane 2, Jamal Musiala 1 гоол оруулан хожил байгуулсан.
