Club Brugge 1:3 Aston Villa

Бельгийн баг талбай дээрээ Aston Villa-г хүлээн авсан ч хожил авч чадалгүй, эсрэг багийн талбай руу явахаар боллоо. Энэхүү тоглолтод Marco Asensio гоол хийснээр Aston Villa-д өвлийн солилцооны цонхоор нэгдсэнээс хойш бүх тэмцээний хүрээнд 7 тоглолтод 5 гоол оруулсан амжилттай сайн тоглолтоо үргэлжлүүлж байна. 

Мөн Aston Villa клуб "Аваргуудын лиг"-ийн өмнөх нэр буюу UEFA Super Cup байх үед 1981/82 улиралд түрүүлж байсан түүхтэй баг юм. Харин "Аваргуудын лиг" гэх нэрээ 1992/93 улиралд сольсноос хойш нэг ч удаа оролцож чадаагүй байсан.

Энэ улиралд шөвгийн 16-д шалгарч улмаар эхний тоглолтын дараа шөвгийн 8-д орох магадлал өндөр байна.

Real Madrid 2:1 Atlético Madrid

"Аваргуудын лиг"-ийн түүхийг өгүүлэх баг болон тэдний эсрэг түүхэндээ хамгийн олон тоглосон багуудын нэг болох нэг хотын дерби Европын тавцанд дахин таарлаа.

Тэд бүх тэмцээний хүрээнд хоорондоо 239 удаа таарч тоглож байсан бол "Аваргуудын лиг"-ийн хүрээнд нийтдээ 10 тоглосноос Real Madrid 6 хожиж, 2 хожигдон, 2 тэнцсэн байна.

Мөн 2013/14 болон 2015/16 улирлуудад тэд шигшээ тоглолтод хоорондоо таарч тоглосон боловч харамсалтай нь Atlético Madrid цом өргөж чадалгүй тэмцээнээ өндөрлүүлж байсан түүхтэй. 

Ямартай ч арвин түүхтэй хоёр баг арай эрт хоорондоо таарч тоглож, эхний тоглолтод талбайн эзэд хожил авлаа.

PSV Eindhoven 1:7 Arsenal

2007/08 улиралд Arsenal 7:0 Slavia Prague өндөрлөж байсан ба энэхүү тоглолтоос хойш Arsenal клубийн хувьд "Аваргуудын лиг"-ийн хүрээнд хамгийн олон гоол оруулсан тоглолтын нэг болон бүртгэгдсэн. 

Энэхүү тоглолтод Arsenal-н 6 өөр тоглогч гоол оруулсан ба тэдний дараагийн шатанд шалгарах магадлал 90%-c дээш боллоо. 

Borussia Dortmund 1:1 LOSC Lille

Өнгөрсөн улиралд "Аваргуудын лиг"-ийн шигшээд шалгарч байсан Borussia Dortmund энэ улиралд шөвгийн 16-н эхний тоглолтдоо хожил авч чадалгүй тэнцээгээр өндөрлөлөө.

Bundesliga-т ч гэсэн форм тун тааруу байгаа ба хүснэгтийн 10-р байранд бичигдэж байгаа.