Үндэсний дээд лигийн 2024-2025 оны улирлын сүүлийн тоглолт маргааш буюу 2025.03.06-ны өдөр болно. Маргааш SG Apes-Эрдэнэт Майнерс, Завхан Бродерс-Сэлэнгэ Бодонс багуудын тоглолт хүснэгтийн 5-8р байрыг шийднэ.

Хүснэгтийн дээд хэсгийн 1-4р байрын багуудын байрлал тодорхой болсон бөгөөд тэдэнтэй ПО-ын эхний шатанд өрсөлдөх багууд маргааш тодорно. Байрлал хэрхэн шийдэгдэх бэ?

Сүүлийн тоглолтын үр дүнгээс хамаарч ПО-д дараах багууд доорх байдлаар учраа таарна. Аль цуврал илүү сонирхолтой болох бэ?

 1.     Завхан Бродерс баг

Тэдний хувьд сүүлийн тоглолтын үр дүнгээс хамаарч 5,6,7-р байрын аль нэгээр гарах боломжтой.

1.1. Тэд Сэлэнгэ Бодонс багийг хожсон тохиолдолд 5-р байраар ПО-д шалгарч BCH Knights багтай тоглоно.

1.2. Хэрвээ Сэлэнгэ Бодонс багт хожигдвол SG Apes-Эрдэнэт Майнерс багийн тоглолтын үр дүнгээс хамаарч 6-7р байрын нэгээр ПО-д шалгарна.

1.2.1.  Эрдэнэт Майнерс SG Apes багийг хожвол 7-р байраар ПО-д шалгарна.

1.2.2.  Эрдэнэт Майнерс SG Apes-д хожигдвол 6-р байраар ПО-д шалгарна.    

2.     Сэлэнгэ Бодонс баг

Тэдний хувьд ПО-д 5,6-р байрын аль нэгээр ПО-д шалгарах боломжтой.

2.1. Сүүлийн тоглолтондоо Завхан Бродерс багийг хожвол 5-р байраар ПО-д шалгарна.

2.2. Сүүлийн тоглолтондоо Завхан Бродерс багт хожигдвол 6-р байраар ПО-д шалгарна.

3.     Эрдэнэт Майнерс баг

Тэдний хувьд 6,7,8-р байрын аль нэгээр ПО-д шалгарах боломжтой байна.

3.1. Эрдэнэт Майнерс баг өөрсдөө SG Apes багийг хожоод Завхан Бродерс Сэлэнгэ Бодонс багийг хожвол 7-р байраар ПО-д шалгарна.

3.2. Эрдэнэт Майнерс баг өөрсдөө SG Apes багийг хожоод Сэлэнгэ Бодонс Завхан Бродерс багийг хожвол 6-р байраар ПО-д шалгарна.

3.3. Эрдэнэт Майнерс баг SG Apes-д хожигдвол 8-р байраар ПО-д шалгарна.

4.     Дархан Юнайтед баг

Тэдний хувьд SG Apes-Эрдэнэт Майнерс багуудын тоглолтын үр дүнгээс хамаарч 7,8-р байрын аль нэгээр ПО-д шалгарна.

4.1. Эрдэнэт Майнерс баг хожигдвол 7-р байраар ПО-д шалгарна.

4.2. Эрдэнэт Майнерс баг хожвол 8-р байраар ПО-д шалгарна.