Manchester City клубийн шилдэг хагас хамгаалагч Бельги шидтэн Kevin de Bruyne клубийнхээ төлөө 10 жил тоглосны эцэст талбай дээрээ сүүлийн тоглолтдоо оролцлоо. Урьд шөнө явагдсан Manchester city 3:1 Bournemouth-тай маш чухал тоглолтод Manchester city клуб хожил авч Kevin de Bruyne-д маш том бэлэг барьж чадлаа. Тэрээр тоглолтын дараа индэр дээрээс “Би бүтээлчээр тоглохыг, хүсэл тэмүүлэлтэй тоглохыг мөн би сонирхолтой хөлбөмбөгийн тоглолт хүсдэг, бүх хүмүүст таалагдсан байх гэж найдаж байна” хэмээн хэлжээ. Мөн энэхүү агшинд дасгалжуулагч Pep Guardiola нулимсаа нууж чадсангүй алга ташин түүнд баяр хүргэж байлаа. Manchester City клуб мөн түүний хөшөөг өөрсдийн цэнгэлдэх “Etihad Stadium”-ийн гадна барихаар болжээ.

Испанийн шигшээ багийг Европын аварга болоход том туслалцаа үзүүлсэн Nico Williams-ийг эзэн хааны Real Madrid клуб авахад хамгийн ойрхон байна. Мөн тэд Португалийн Benfica клубт энэ улирал гангарсан өөрсдийн академид бэлдсэн Álvaro Carreras-ийг авахад тун ойрхон тоглогчтой тохиролцсон байгаа бол одоо Benficа клубтэй тохиролцоход энэ наймаа бүтнэ.

Энэ улирал Английн Premier League-т түрүүлсэн Liverpool клуб Германы Bayer Leverkusen клубийн баруун жигүүрийн хамгаалагч Jeremie Frimpong-ийг авч чадлаа. Мөн тэд Bayer Leverkusen клубийн хагас хамгаалагч Florian Wirtz-ийг авахаар Bayern Munich клубийн хамт араас нь хөөцөлдөж байна.

Өнгөрсөн жилийн Ballon d’Or-ийн эзэн Испанийн шигшээ багийн хагас хамгаалагч Rodri 241 өдөр, 50 тоглолт өнжсөний дараа эргэн ирлээ. Тэрээр урьд шөнө явагдсан Manchester city 3:1 Bournemouth тоглолтын 83 дахь минутад Erling Haaland-ийн оронд талбайд орж ирсэн.

Испанийн La Liga, Copa del rey, Spanish Super cup-ийн эзэн Каталаны Barcelona клуб дасгалжуулагч Hansi Flick болон довтлогч Raphinha нартай гэрээгээ сунгахаар тохиролцжээ.

Английн Manchester United клуб Wolverhampton клубээс довтлогч Matheus Cunha-г эгнээндээ нэгтгэхэд тун ойрхон байна. Одоогоор тоглогчтой тохиролцож чадсан бол Wolverhampton клубтэй хараахан тохиролцож амжаагүй байна.