Монгол улсын нийслэл Улаанбаатар хотноо зохиогдох "BLAST ASIA RISINGS ULAANBAATAR" тэмцээн эхлэхэд 10 хүрэхгүй хоног үлдлээ. Тус тэмцээний аварга баг "Blast Open Fall 2025" тэмцээнд Ази тивээ төлөөлөн өрсөлдөх эрхийг авах юм. "BLAST ASIA RISINGS ULAANBAATAR" тэмцээнийг ESN - Esports Network-оос зохион байгуулах ба энэхүү тэмцээнд Азийн шилдэг найман баг өрсөлдөнө.

Тэмцээн эхлэх дөхсөнтэй холбоотой хэд хэдэн сонирхолтой мэдээлэл гараад байна.

Г.Эрдэнэцогт буюу "Erkast" дасгалжуулагчийн замналдаа анх удаа Монголдоо тоглох гэж байна. Тэрбээр Автралын FlyQuest багийг дасгалжуулан тус тэмцээнд оролцоно. Эх нутагтаа хэрхэн дасгалжуулахын 08-р сарын 01-ээс эхлэн үзээрэй.

Мөн Flyquest баг жинхэнэ бүрэлдэхүүнээрээ Монголд хүрэлцэн ирж тоглох гэж байна. Бүрэлдэхүүнд

Ахлагч INS - Joshua Potter 

 Vexite - Declan Portelli

regali - Lulian Harjău

nettik - Corey Browne

ks - Justin Savage

Дасгалжуулагч erkaSt - Г.Эрдэнэцогт

Мөн Euroption багт нэгдээд байсан sKOR эргээд “The Huns Esports” багтаа эргэн нэгдэж “BLAST ASIA RISINGS ULAANBAATAR”-ын тайзнаа өрсөлдөх гэж байна.

Өнгөрсөн BLAST.tv Austin Major тэмцээнд цахим орчинд хамгийн их анхаарлын төвд өртсөн EmiliaQaQ буюу Tang Junjie Lynn Vision Gaming багийн хамт Монгол улсад хүрэлцэн ирэх гэж байна. Ийнхүү тэрбээр багтайгаа хамт хоёр дахь удаагаа Монголд өрсдөх нь. Түүний сонирхолтой харизм, төсөөлөмгүй үйлдлүүдийг 08-р сарын 03-нд дэргэдээс нь М Банк Аренад үзэх боломжтой.

08-р сарын 01-ээс эхлэн Монголын гурван багаа дэмжихээс гадна Азийн шилдэг багуудыг дэргэдээс нь үзэцгээе.

Зохион байгуулагч: ESN - Esports Network