Мото спортоор дэлхийн чансаанд Дакар Раллитай эн зэрэгцэх Silk Way Rally-2025 буюу Торгоны зам 2025 тэмцээн долоодугаар сарын 12-оос 22-ны өдрүүдэд Монгол, ОХУ-ыг дамнан болж өнгөрлөө. Тус тэмцээний авто уралдааны мотоциклын төрөлд Монгол улсаа төлөөлөн оролцсон ОУХМ П.Мөрөн тэргүүлж, “Цагаан арслан” цомын эзнээр шалгарсан бахдам амжилт үзүүлжээ. байна.

Олон Улсын Хэмжээний Мастер П.Мөрөн нийт 11 хоногийн турш 5,000 км бартаат замыг амжилттай туулж, мотоциклын төрөлд тэргүүлсэн байна.

Silk way Rally тэмцээн нь Дакар раллитай эн зэрэгцэх, дэлхийн хамгийн хүнд, урт, нэр хүндтэй бартаат замын уралдаануудын нэг бөгөөд 2010 оноос хойш жил бүр ОХУ, Монгол, БНХАУ-ын нутаг дэвсгэрт зохион байгуулагдан уламжлал болжээ.

Монгол Улсын мото спортын олон улсын хэмжээний мастер Пүрэвдоржийн Мөрөн нь 2021 онд уг тэмцээний мото ангилалд анх удаа цом хүртэж байсан бол, 2024 онд хоёрдугаар байрт шалгарч, ийнхүү 2025 онд мотоциклийн ангиллын аварга болж, түүхэн амжилт үзүүллээ.