7 сарын 23
“FISU Summer World University Games” буюу Дэлхийн оюутны Универсад наадам Герман улсын Райн-Рур бүс нутагт 7-р сарын16-27-ны хооронд зохион байгуулагдаж байна. Уг наадам нь дэлхийн их дээд сургуулийн оюутнуудын хамгийн том олон улсын спортын наадам бөгөөд 18 төрлөөр 8500 тамирчид өрсөлдөж байгаа юм. Дэлхийн 150 гаруй орны баг тамирчид өрсөлдөх уг наадамд Монгол улсаа төлөөлж 9 спортын төрөлд 100 гаруй тамирчин өрсөлдөж байна.
Одоогийн байдлаар манай тамирчид ямар амжилттай явааг танилцуулья.
Монголын волейболын оюутны шигшээ багийн эмэгтэй тамирчид Францын багтай хийсэн тоглолт 2 цаг орчим хугацаанд өрнөж Монголын баг 3:2 харьцаагаар хожиж тоглолтоо дуусгалаа.
Ийнхүү Монголын баг сүүлчийн тоглолтоо хийснээр Универсад 2025 наадмын эмэгтэй волейболын тэмцээнд оролцсон дэлхийн шилдэг 16 багаас 11 дүгээр байрт шалгарлаа.
Монголын баг энэ тэмцээнд зургаан тоглолтыг хийн 3 хожиж, 3 хожигдон 50 хувийн амжилтыг үзүүллээ. Тухайлбал Аргентин, Энэтхэг, Францын багуудыг хожсон. Харин БНХАУ, Герман, АНУ-ын багт хожигдсон юм.
Тэмцээнд оролцсон бүх тамирчид, багш дасгалжуулагчдад халуун баярыг хүргэе.
Байт харвааны багийн төрөл эхэлж Монголын баг эхний шатандаа Молдавын багийг 6-2 гэсэн харьцаатай буулган авч, дараагийн шатандаа Өмнөд Солонгосын багтай учраа таарлаа. Монголын багийн бүрэлдэхүүнд А.Бат-Амар, М.Энхбаяр, Ц.Цогтбаяр нар багтжээ.
Тэдныг дараагийн шатанд Өмнөд солонгосын баг хүлээж байна.
Ширээний теннисийн эмэгтэй хосын төрөлд өрсөлдсөн Б.Болор-Эрдэнэ, Ө.Балжинням нар Туркийн хосын эсрэг тоглож, 0-3 гэсэн харьцаатай хожигджээ.
Ингэснээр Монголын ширээний теннисний тамирчдын хувьд энэ удаагийн универсад өндөрлөж байна.
Универсад 2025 наадмын жүдо бөхийн тэмцээн 07 сарын 23-ний өдөр Эссен хотын Мессе цогцолборт эхэлнэ.
Тэмцээний эхны өдөр барилдах тамирчид:
Эмэгтэй 48 кг жинд С. Гүнжинлхам нь Украины С. Анастасиатай
Эмэгтэй 52 кг жинд Д. Сарантуяа нь Унгарын К. Ребенкитай
Эмэгтэй 57 кг жинд Ц. Тэгшжаргал нь Словений П. Нусатай барилдана.
Эрэгтэй 60 кг жингийн 16/1 шигшээд Т. Түмэнжаргал нь гоц мөргөсөн байна.
Эрэгтэй 66 кг жинд Т. Төрболд нь Киприйн Ч. Петростой тус тус учрааа таарчээ.
