НБА-ийн цомын төлөөх тэмцээний Өрнөд бүсийн эхний тоглолт ОКС Тандер, Даллас Маверикс багуудын хооронд болж өндөрлөлөө. Талбай дээрээ хүлээж авсан тоглолтод ОКС Тандер Лука Дончич тэргүүтэй Далласынханд боломж олгосонгүй. Тэд багаараа алсын зайнаас 20 удаа амжилттай довтлохдоо 40 хувьтай шидсэний 5-ыг нь Шай Гилжиус Александр гүйцэтгэлээ. Шай-г зогсоох хүн өнөөдөр Мавериксаас байсангүй. 39 оноо, 8 самбар, 5 дамжуулалт, 3 бөмбөг таслалт, 1 хаалт хийхдээ 65.2 хувьтай довтолсон гайхалтай тоглолтыг толилуулаа. Ийнхүү үндсэн цагт 104-118 харьцаатай ОКС Тандер баг ялалт байгуулж дараагийн шатанд өрсөлдөх эрхтэй болов. ОКС Тандер багаас өнөөдөр гарааны 5 тоглогч 10 болон түүнээс дээш оноо, талбайд гарсан бүх тоглогчид оноо авсан байна. Харин Даллас Маверикс багаас Нажи Маршалл 19 оноо, Лука Дончич 16 оноо, 11 самбар, Клэй Томпсон 19 оноо, 5 удаа алсын зайнаас, Кайри Ирвинг 17 оноо авсан ч тэд Өрнөд бүсийн тэргүүлэгчдийг буулгаж авч чадсангүй. 

Мөн ОКС-ын хамгаалалт энэ улирал онцгой байгаа гэдгээ дахин баталлаа. Далласын супер одуудыг 20-оос доош оноо авхуулсан ба багаараа 14 бөмбөг тасалж, 5 хаалт гүйцэтгэсэн мөн довтолгооны самбараасаа 17 удаа авсан байна. Ийнхүү ОКС Тандер НБА-ийн цомын тэмцээний эхний ялалтаа байгуулж Хьюстен Рокетс, Голден Стэйт Уарриорс багуудын аль хожсонтой бүсийн финалд учраа таарах юм.