Финикс Санс багийн супер од Кевин Дурант NBA-ийн бүх цаг үеийн онооны жагсаалтад дахин нэг шат ахилаа. Өнөөдөр болсон Финикс Санс болон Филаделфиа 76ерс багуудын хоорондох тоглолтын 3-р үед хийсэн дундын зайн шидэлтээрээ О’Нилийн 28,596 оноог гүйцэж, бүх цаг үеийн жагсаалтын 8-р байрт бичигдэж эхлэв. Тус тоглолтод Финикс Санс Филаделфиа 76-г 115:102-оор хожсон ба Дурант 22 оноо авч, нийт замналдаа 28,610 оноо авлаа. 

Кевин Дурант зөвхөн энэ улиралд Хаким Олажуон, Элвин Хэйс, Мозес Мэлоун, Кармело Энтони, Шакил О'Нил нарыг ээлж дараалан оноо авалтаараа гүйцэж байна. 

Одоо Кевин Дурант дараах NBA-ийн домгуудын ард бичигдэж байна.

1.    Леброн Жэймс (40,179)

2.    Карим Абдул-Жабар (38,387), 

3.    Карл Мэлоун (36,928), 

4.    Коби Брайант (33,643). 

5.    Майкл Жордан (32,292), 

6.    Дирк Новицки (31,560), 

7.    Уилт Чамберлэйн (31,419) зэрэг тоглогчдын ард явна. Түүний хувьд энэ улиралд дээр байгаа тоглогчдын амжилтыг эвдэх хараахан боломжгүй ч ирэх улиралд зургаадугаар байрт дэвшин орох боломжтой хэмээн үзэж байна. 

2022-23 оны улирал: Дурант Брүүклинд улирлыг эхлүүлэхдээ бүх цаг үеийн 21-р байранд орсон. Финикст улирлыг дуусгахдаа тэрээр Алекс Инглиш, Винс Картер, Кевин Гарнетт, Жон Хавличек, Пол Пирс, Тим Данкан, Доминик Уилкинс, Оскар Робертсон нарыг давж 13-р байрт шалгарсан. Дурантын амжилтыг удаашруулсан цорын ганц зүйл нь бэртэл гэмтэл байв. Түүнийг талбай дээр байх хугацаанд онооны дундаж нь унаагүй гэдгийг доорх хүснэгтээс харж болно. 

Харин Кевин Дурантын замналдаа өнгөрүүлсэн багуудын оновчтой болгосон довтолгоог багуудаар хуваан авч үзвэл: 

Кевин Дурант одоогоор 

9817 гоол оруулсан нь бүх цаг үеийн 17 дахь тоглогч

1997 3 онооны шидэлт гүйцэтгэсэн  бүх цаг үеийн 16 дахь тоглогч

6957 чөлөөт шидэлт хийсэн бүх цаг үеийн 10 дахь тоглогчоор бүртгэгдэж байна.