Өмнөд Солонгосын хөлбөмбөгчин Ли Кан Ин шигшээ багт хэрүүл маргаан үүсгэснийхээ төлөө уучлалт гуйж, энэ үйлдлээрээ олон хөгжөөн дэмжигчийн урмыг нь хугалсан тул болсон явдлаас суралцан улам хөгжихийг хичээх болно гэдгээ илэрхийллээ. 

Катарт өнгөрсөн сард болсон Азийн цомын тэмцээний үеэр "Парис Сен-Жермейн" багийн хагас хамгаалагч Ли шигшээ багийн ахлагч Сон Хын Минтэй маргалдсанаас хойш анх удаа Солонгосын хэвлэлд хандлаа. Ли Кан Ин болон багийн зарим залуу гишүүд багийн оройн хоолоо эрт орхиж ширээний теннис тоглохоор явах гэсэн бол Сон хагас шигшээд Жордантай тоглохоос өмнө дэмий цаг өнгөрүүлэхийг хориглосноор зөрчилдөөн үүссэн байдаг.

Солонгос Йорданд хожигдсоны дараа энэ хэрэг ил болох үед Ли Кан Ин Солонгосын хамгийн алдартай тамирчдын нэг, ахлагч Соныг эсэргүүцсэнийхээ төлөө олны дунд нэр хүнд нь навс унасан. Ли өөрөө Сон Хын Минтэй муудалцсандаа уучлалт гуйж, хууль ёсны төлөөлөгчөөрөө дамжуулан ямар ч биеэр зодоон болоогүй гэж мэдэгдээд байсан. Дараа нь Ли Лондонд Сон дээр очиж уулзан түүнээс биечлэн уучлалт гуйжээ.

Өмнөд Солонгосчууд 2026 оны дэлхийн аварга шалгаруулах тэмцээний урьдчилсан шатны хоёрдугаар тойргийн С хэсгийн гурав дахь тоглолтоо Тайландын эсрэг өнөөдөр хийх юм. Тоглолт болохоос нэг өдрийн өмнө буюу өчигдөр Сөүлийн Сангам цэнгэлдэх хүрээлэнд Ли Кан Ин сэтгүүлчдийн өмнө гарч ирж, албан ёсоор анх удаа хөлбөмбөгийн хөгжөөн дэмжигчдээс уучлалт гуйв.

Тайландын эсрэг зочлон тоглолтын бүрэлдэхүүнд шигшээ багт нэрлэгдсэний дараа камерын өмнө ийнхүү Ли Кан Ин зогссон юм. Тоглолт өнөөдөр 20.00 цагт болно.  Ли "Тоглолтуудад хөгжөөн дэмжигчдээсээ маш их хайр, дэмжлэг авч ирсэн. Гэхдээ би хөгжөөн дэмжигчдээ хариу хандлага илэрхийлээнүй, тэдний урмыг хугалсан" гэж Ли хэлж, фанатуудаас чин сэтгэлээсээ уучлалт гуйхаар энд ирэхийг хүссэн гэж хэлжээ.

Ли Кан Ины хувьд өдгөө 22 настай Францын Лиг 1-ийн Парис Сен-Жермен клубт 2023 оноос эхлэн тоглож байгаа, Өмнөд Солонгосын шигшээ багт довтлох чиглэлийн хагас хамгаалагчаар тоглодог.