Эмэгтэйчүүдийн волейболын ДАШТ Тайланд улсын нийслэл Bangkok болон Phuket, Chiang Mai, Nakhon Ratchasima гэсэн 4 хотод зохиогдож байгаа билээ. Волейболын эмэгтэйчүүдийн ДАШТ-ий хэсгийн тоглолтууд дуусаж шилдэг 16 баг тодроод байна.
Тэмцээний А хэсгээс 1-р байраар шалгарсан дэлхийн чансааны №9 Нидерландын шигшээ баг Н хэсгээс 2-р байраар шалгарсан сүүлчийн хоёр ДАШТ-ий аварга Сербийн шигшээ багтай шөвгийн 16-д учраа таарлаа. Харин Н хэсгийн 1-р байраар шалгарсан ДАШТ-ий гурван удаагийн аварга Японы шигшээ баг А хэсгээс 2-р байраар шалгарсан ДАШТ-ийг зохион байгуулж буй Тайландын шигшээ багтай шөвгийн 16-д таарсан байна.
Тэмцээний B хэсгээс 1-р байраар шалгарсан ДАШТ-ий иж бүрэн медальт Италийн шигшээ баг G хэсгээс 2-р байраар шалгарсан дэлхийн чансааны №10 Германы шигшээ багтай шөвгийн 16-д учраа таарлаа. Харин G хэсгээс 1-р байраар шалгарсан дэлхийн чансааны №3 Польшийн шигшээ баг B хэсгээс 2-р байраар шалгарсан дэлхийн чансааны №13 Бельгийн шигшээ багууд шөвгийн 16-д таарсан байна.
Тэмцээний С хэсгээс 1-р байраар шалгарсан ДАШТ-ий 4 удаагийн мөнгөн медальт 1 удаагийн хүрэл медальт Бразилын шигшээ баг F хэсгээс 2-р байраар шалгарсан дэлхийн чансааны №11 Доминикан улсын шигшээ багтай шөвгийн 16-д учраа таарлаа. Харин F хэсгээс 1-р байраар шалгарсан ДАШТ-ий хошой аварга БНХАУ-ын шигшээ баг С хэсгээс 2-р байраар шалгарсан дэлхийн чансааны №14 Францын шигшээ багтай шөвгийн 16-д таарсан байна.
Тэмцээний D хэсгээс 1-р байраар шалгарсан ДАШТ-ий 1 удаагийн аварга хошой мөнгөн медальт АНУ-ын шигшээ баг Е хэсгээс 2-р байраар шалгарсан дэлхийн чансааны №12 Канадын шигшээ багтай учраа таарлаа. Харин Е хэсгээс 1-р байраар шалгарсан дэлхийн чансааны №6 Туркийн шигшээ баг D хэсгээс 2-р байраар шалгарсан дэлхийн чансааны №20 Словенийн шигшээ багтай таарсан байна.
