Өнгөрөгч гуравдугаар сарын 27-нд эхэлсэн цахим спортын CS2 төрлийн Үндэсний аварга шалгаруулах тэмцээн 18 хоногийн хугацаанд үргэлжилж өчигдөр аваргаа тодрууллаа. 

Цахим спортын “Esports Network” байгууллагаас зохион байгуулсан Үндэсний аварга шалгаруулах тэмцээнд нийт 64 баг "Single Elimination" байдлаар өрсөлдөж:

• NITROMETHANE
• IHC ESPORTS
• KNOW HOW
• BORN TO WIN багууд шалгарсан бол урилгаар
• THE MONGOLZ
• QUBE ESPORTS
• THE HUNS ESPORTS
• ATOX ESPORTS зэрэг Монголын шилдэг багууд нэмэгдэж шигшээ 8 баг "BLAST Premier Fall: Showdown 2024" тэмцээний Ази бүсийн сонгон шалгаруулалтад оролцох эрхийн төлөө өрсөлдөв.

Гранд Финал тэмцээн өчигдөр UG Arena-д зохиогдсон бөгөөд шигшээ тоглолтод The Mongolz болон Аtox Esports багууд өрсөлдлөө. 

Аваргын төлөөх тоглолтод The MongolZ, Atox esports багийг буулган авсанаар аваргын цомын хамт 15 сая төгрөг, "BLAST Premier Fall: Showdown 2024" Ази бүсийн сонгон шалгаруулалтад Монгол улсаа төлөөлөн оролцох эрхийг авлаа. 

The MongolZ багийн бүрэлдхүүнд:

Б.Гарьдмагнай “bLitz”

М.Содбаяр “Techno4K” 

Б.Өсөхбаяр “910”

 М.Азбаяр “Senzu”

 Б.Аюуш "Mzinho" нар байсан ба бдасгалжуулагчаар Б.Эрдэнэдалай “maaRaa” ажиллажээ. 

Харин дэд аварга аваргаар Atox Esports тодрон, 8,000,000 төгрөгийн шагнал хүртлээ. Тус багийн бүрэлдхүүнд:

Б.Ган-Эрдэнэ “dobu”

Б.Бат-Энх “kabal” 

Б.Тэмүүлэн “MiQ” 

Э.Мөнхсайхан “Zesta”

Н.Түвшинтөгс “Annihilation” 

Г.Төгөлдөр “flyNN” дасгалжуулагчаар ажиллажээ. 

THE MONGOLZ багийн хувьд нэг ч ялагдал амсалгүйгээр "Гранд Финал"-д шалгарсан бол ATOX ESPORTS баг нэг ч хожигдолгүй явсаар The MongolZ багтай Upper Brakcet Finals-д учраа таарч 2:0 оноотойгоор "Гранд Финал"-д шалгараад байсан юм. 

Монголын цахим спортын өрсөлдөөн улам бүр сонирхолтой болохын сацуу тэдний хөгжил ч мөн адил хурдацтай хөгжиж буйг тэмцээн зохион байгуулагчид онцолж байлаа. 

Харин 3-р байрт IHC ESPORTS баг шалгарч 5,000,000₮-ийн шагнал авсан юм. 

Тэмцээний MVP шагналыг The MongolZ багийн тамирчин Б.Аюуш буюу "Mzinho" хүртэж, 2,000,000 төгрөгийн мөнгөн шагнал хүртсэнээр 18 хоног үргэлжилсэн CS2-ын анхны Үндэсний аварга шалгаруулах тэмцээн өндөрлөлөө.