АНУ-ын Мэйжор Лигийн Интер Миами баг олон улсын аялан тоглолтынхоо хуваарийг гаргасан байна. Тус клуб 2024 оны хөлбөмбөгийн дээд лигийн компанит ажлын хүрээнд улирлын өмнөх аяллын тоглолтоо 1-р сараас хийж эхэлнэ. 2024 оны хоёрдугаар сарын 4-нд хоёр дахь зочлон тоглох хотоор Хонг Конгийг сонгож анх удаа Ази тивд газардахаар болжээ. Хөлбөмбөгийн супер од, Аргентины домог Леонель Месси манай улстай хамгийн ойрхон ирж тоглож буй нь энэ юм. Леонель Месси Интер Миами багийн хамтаар Хонг Конгийн дээд лигийн шилдэг тоглогчдоос бүрдсэн багтай тоглоно. 

Интер Миамигийн хамтран эзэмшигч Дэвид Бэкхэм энэхүү шийдвэрийн дараа гаргасан мэдэгдэлдээ "Хонконг бол спортын гайхалтай орчинтой үзэсгэлэнтэй хот. Би өөрийн карьерынхаа туршид Азид маш их цагийг өнгөрөөсөн. Би Интер Миамиг энэ хотод зочлон тоглуулж, энэ гайхалтай хотод анхны олон улсын аялан тоглолтоо хийх боломж олдсондоо маш их баяртай байна" хэмээжээ. Тоглолт 40 мянган хүний суудалтай Хонг Конгийн төв цэнгэлдэх хүрээлэнд болно. Интер Майами 1-р сарын 19-нд Эль Сальвадорт тоглох төлөвлөгөөтэй ба тус баг өнгөрсөн сард Хятадад тоглох байсан ч цуцлагдсан юм. Интер Миами "Ирэх долоо хоногт улирлын өмнөх тоглолтууд болон зочлон тоглох газруудаа бүтэн зарлана хэмээн мэдэгдэв.