Монголын спортын салбарын оны шилдгүүдийг шалгаруулах “Бөртэ чоно 2023” шагнал гардуулах ёслолын ажиллагааг арванхоёрдугаар сарын 18-ны өдөр Улаанбаатар хотын "Corporate Concert Hall"-д зохион байгуулахаар болжээ. Өнгөрсөн жилийн буюу 20 дахь удаагийн “Бөртэ чоно” наадам 16 номинацаар шилдгүүдээ шалгаруулж, хүндийг өргөлтийн тамирчин М.Анхцэцэг Монгол Улсын шилдгийн шилдэг эмэгтэй тамирчнаар тодорсон. Харин жүдо бөхийн Ц.Цогтбаатар шилдгийн шилдэг эрэгтэй тамирчнаар шалгарч байсан билээ.

Монголын Үндэсний Олимпын хорооны тэргүүн дээд шагнал болох спортын шилдгүүдэд олгодог "Бөртэ чоно"  наадам энэ жил 21 дэх жилдээ зохиогдоно. Спортын салбарын шилдгүүдийг тодруулдаг тус наадам шилдгийн шилдэг тамирчин, шилдэг эрэгтэй, эмэгтэй тамирчин, шилдэг залуу тамирчин, шилдэг дасгалжуулагч, шилдэг шүүгч, шилдэг холбоо гээд спортын салбарын шилдгүүдийг тодруулдаг билээ.