Лос Анжелес Доджерс багийн супер од Шохей Охтани MLB гэлтгүй бейсболын ертөнц дэх дээд амжилтуудыг эвдсээр байна. Охтани 9-р сарын 19-нд Майами Марлинс багийн эсрэг нэг улиралд 50/50 гүйцэтгэсэн түүхэнд дэх анхны тоглогч болсон. Тус түүхийг өөртөө шингээсэн бейсболын бөмбөгийг хэн барьж авсан, хэн эзэмших эрхтэй вэ гэдэг дээр олон маргаан дагаж байсан ч эцэст нь “Goldin Auctions” спортын дуудлага худалдааны компани үнэ хаялцуулахаар болсон юм.

Шохэй Охтанигийн цохисон бөмбөг тоглолтын талбайгаас гарч, хөгжөөн дамжигчдын хэсэг рүү цөлөгдсөн ба түүнийг барь авахын тулд үзэгчид ширээ, сандлаа дайран гарч бөмбөгийг авахыг тулд улайран тэмцэж байсан юм. Эцэст нь талбайн хамгаалалтын албаныхан нэн даруй бөмбөг авсан эрхмийг дагуулан, баталгаажуулж, долоо хоногийн дотор Голдин руу авчирчээ.

Ийнхүү өчигдөр дуудлага худалдаа явагдаж 500,000 ам доллароор эхэлсэн дуудлага худалдаагаар 4.39 сая доллароор зарагджээ. Дуудлага худалдааны дүрмийн дагуу хэн энэхүү бөмбөгийг худалдаж авсныг олон нийтэд зарлаагүй байна.

ESPN-ийн мэдээлснээр, Охтанигийн бөмбөгөнд төлсөн 4.39 сая доллар нь бейсболын түүхэн дэх дээд амжилтыг эвдсэн төдийгүй бүх спортын түүхэн дэх хамгийн үнэтэй зарагдсан бөмбөгөөр тодорлоо.