Ирэх жил Парист болох Олимпийн наадмыг бойкотлох аюул заналхийлж байгаа тул Европын олон орны улс төр, спортын удирдагчид Орос, Беларусийн тамирчдыг тэмцээнд оролцуулах алхамыг эсэргүүцэж байна. Украины ерөнхийлөгч Владимир Зеленский Олон улсын тамирчдыг буруутгаж байна. ОУОХ ОХУ, Беларусийн тамирчдыг төвийг сахисан "хатуу нөхцөл"-ийн дагуу олон улсын тэмцээнд оролцох замыг цаашид судлахаар тохиролцоод байгаа юм. Саяхан зөвлөлдсөний дараа Үндэсний олимпийн хороодын холбоо зэрэг Олимпийн хөдөлгөөний "дийлэнх олонх" нь энэ алхамыг дэмжсэн гэж ОУОХ мэдэгдсэн билээ. Харин Украин халдлагад өртөж байхад Орос, Беларусийн тамирчдын оролцоог авч үзэх тухай ОУОХ-ны шийдвэрийг Польш, Эстони, Литва, Латви, Норвеги зэрэг орны удирдах албан тушаалтнууд шүүмжлээд байна. Эстонийн Ерөнхий сайд Кажа Каллас энэ шийдвэрийг "улс төрийн болон ёс суртахууны хувьд буруу" гэж шүүмжилж, "Оросод бууж өгөх биш, тусгаарлахыг бэхжүүлэх цаг болсон" гэж мэдэгджээ. "Спорт бол Оросын суртал ухуулгын хэрэгсэл бөгөөд үүнийг үл тоомсорлох нь түрэмгийллийн эсрэг зогсох гэсэн үг" гэж твиттер хуудсандаа бичжээ.
Нэг хэсэг улсууд Орос, Беларсийн тамирчдыг тэмцээнд оролцохын эсрэг байгаа ч нөгөө хэсэг нь ялангуяа удирдах зөвлөлүүд, зохион байгуулагчид тамирчдын эрх ашгийг тэнцүү авч үзэж байгаа юм. Азийн Олимпийн зөвлөл Орос, Беларусийн тамирчдыг тэмцээнд, тэр дундаа Ханжоу хотод болох хойшлогдсон Азийн наадамд оролцоход бэлэн байгаагаа баталж, Парис 2024 тэмцээнд оролцох эрхийг авах тогтолцоог боловсруулж байгаа бол нөгөөтэйгөөр Польшийн Спортын сайд Камил Бортничук энэ жил Краков, Малопольска хотод болох Европын наадамд Орос, Беларусийн тамирчид дэлхийн тавцанд гарахыг "төсөөлж ч чадахгүй" гэж мэдэгдсэн байна. Польшийн хэвлэл мэдээллийн IAF агентлагийн мэдээлснээр, Бортничук "Парис 2024"-д Орос, Беларусийн оролцооны эсрэг эвсэл байгуулах хүчин чармайлтын тэргүүн эгнээнд "Польш, Их Британи" байна гэжээ. Хэрэв хоёр улсын тамирчдыг тэмцээнд оролцохыг зөвшөөрвөл Польш болон бусад улс орнууд эсэргүүцлээ чангатгана гэдгээ мэдэгдээд байна.
