Францын жижиглэн худалдааны “Fnac Darty” групп ирэх онд Парист болох олимп, Паралимпийн наадмын хамгийн сүүлийн ивээн тэтгэгчээр тодорлоо. Тус компани нь Францын нийслэлд байрладаг бөгөөд соёлын бараа, амралт зугаалга, техникийн бүтээгдэхүүн, гэр ахуйн цахилгаан хэрэгсэл түгээх чиглэлээр Европын тэргүүлэгч гэдгээ зарлаж, 2021 онд 8 тэрбум еврогийн эргэлттэй болсон байна.  Олон үндэстний компани нь Парис 2024 олимпийн эхлүүлсэн үндэсний маркетингийн хөтөлбөрийн гурав дахь түвшин болох албан ёсны дэмжигчээр нэгдлээ.  1957 онд үүсгэн байгуулсан Fnac Darty нь Олимп, Паралимпийн наадмын өмнө болон наадмын үеэр соёлын бүтээгдэхүүн, гэр ахуйн цахилгаан хэрэгсэл, цахилгаан бараа түгээх ажлыг хариуцах юм. Фнак Дарти "Соёлын олимпийн нэг хэсэг болох санаачилгыг хөгжүүлэхийг" хүсч байгаагаа илэрхийлжээ.  

2024 оны Парисын олимпийн үеэр тус групп "Тамирчдын тосгонд санал болгож буй үйлчилгээгээр дамжуулан тамирчдын туршлагад хувь нэмрээ оруулахыг хүсч байна" гэж Фнак Дарти хэлжээ. Тус компанийн гүйцэтгэх захирал Энрике Мартинез “Парис 2024 оны олимп, паралимпийн наадам нь Фнак Дартид өөрийн ноу-хаугаа харуулах онцгой боломжийг олгож байна” гэж мэдэгджээ. “Бид Парис 2024 наадмаар дамжуулан компаниа сурталчлах зорилгоор спортыг дэмжин ажиллахаар сонгогдсондоо бахархаж байна. Энэ хамтын ажиллагаа нь Францын ард түмнийг өдөр тутам дэмждэг тус группийн ур чадварыг хүлээн зөвшөөрч буй хэрэг. Мөн энэ арга хэмжээ нь дэлхийн хамгийн том спортын арга хэмжээг улс орны хувьд мартагдашгүй амжилт, соёлын үзүүлбэр болгохын тулд манай 18,000 ажилчдын бүрэн амлалтыг харуулах болно гэжээ.