Байрныхаа гадаа найзуудтайгаа орой болгон сагс, хөлбөмбөг, хоккей тоглож, зурагтаар тойм үзэж, тэрнийхээ талаар ярилцдаг байсан. Тэр цагаас л спортод дуртай болсон доо.

Спортын чиглэлээр 2006 оноос хойш буюу 16 жил ажилласан. Анх Ийгл ТВ-д Захирлын Туслахаар ажилд орж жилийн дараа спортын албыг үүсгэн байгуулсан. Тэр цагаас хойш спортын шууд тайлбар, NBA talk зэрэг нэвтрүүлгүүдийг хийж спортын чиглэлээр өнөөдрийг хүртэл ажиллаж байна.

Дуртай зүйлээ ажил болгосон учраас хэцүү санагдаж байсан үе байдаггүй. Харин спортыг мөнгөтэй холбох, ивээн тэтгэгч олох тал дээр хэцүү байдаг байсан. Гэхдээ мөнгөний төлөө хийж байгаагүй учраас үргэлжлүүлээд л явдаг байсан.

Өөрийнхөөрөө байдаг хүмүүст дуртай. Олон нүүртэй хүмүүст маш дургүй.

Ганцаардлаас их айдаг. Мөн харанхуйгаас айдаг гэдгээ Түнэр харанхуй шоунд ороод мэдэрсэндээ. /хэхэ/

Чикаго бүллс багийн Фен гэдгээр манай сагс сонирхогчид бүгд мэддэг байх. Америкт байхдаа Чикаго хотод хэсэг хугацаанд амьдарч байсантай холбоотой.

Маш олон мундаг найз нараараа бахархаж явдаг.

Хүмүүст хандаж “Өөрийнхөөрөө амьдар” л гэж хэлье даа.

Одоогоор Шинэ Зеланд улсад гэр бүлээрээ эхнэр 3 хүүхдийн хамт амьдарч байна. Score Bet гэж албан ёсны гэрчилгээтэй спорт бетний компани байгуулсан. Энэ төсөл дээрээ л төвлөрч ажиллаж байгаа.