Монголын ширээний Теннисийн холбооноос Дэлхийн ширээний Теннисийн өдрийг угтан Сүхбаатарын талбайд "Хангарди-2025" өдөрлөгийг амжилттай зохиож байна. Тус өдөрлөг нь "“Diversity and Inclusion”-“Оролцоо ба Олон талт үйл ажиллагаа” уриатайгаар зохиогдож байгаа ба Монгол улс даяарх ширээний теннисийн спортоор хичээллэгчид болон сонирхогчдыг нэгтгэн, энэхүү спортыг сурталчлах зорилготой юм.

Өнөөдрийн үйл ажиллагаанд Монгол улсын шишгээ багийн шилдэг тамирчид үзүүлэх тоглолтууд үзүүлж үзэгчид болно ширээний теннис сонирхогч хүүхэд залуучуудыг баясгав.

Мөн 6 настай балчираар 80 нас хүртэлх бүхий л насны ангилалд сонирхогчдын шагналт тэмцээн зохиогдож, олон олон тамирчид хурд хүч авахаалж самбаагаа сорьж байна.

Өдөрлөгийн хамгийн онцлох хэсэг болох БНХАУ-ын тамирчид Монгол улсын шигшээ багийн тамирчидтай тун удахгүй нөхөрсөг тоглолт үзүүлж, тамирчдын ур чадвар, чадвар чансааг танилцуулах болно.

Харин 19:00 цагаас шагнал гардуулах үйл ажиллагаа явагдах ба гар зургийн уралдаан, Видео бичлэгийн уралдааны ялагдчадаас гадна өнөөдрийн нас насны ангилалын шилдэг сонирхогчид тодрох билээ.

19:30 цагаас Монголын ширээний теннисийн Үндэсний Дээд лигийн 17 дахь улирлын Медальтнууд аваргын цом болон мөнгө, хүрэл медалиа гардан авах юм.