4 сарын 23
Монголын хөлбөмбөгийн холбооны ерөнхийлөгчийн сонгууль 2025.04.28-ны өдөр болно. МХБХ-ны ерөнхийлөгчийн сонгуульд 5 нэр дэвшигч өрсөлдөж буй.
Тэгвэл МХБХ-ны сонгуулийн хороог нэр дэвшигч Сод Монгол группын ерөнхийлөгч Ц.Анандбазарыг дүрэм зөрчиж бүртгэсэн тул Ц.Анандбазарын нэр дэвших эрхийг түтгэлзүүлэхийг Монголын Хөлбөмбөг тоглогчдын холбоо шаардлаа.
Монголын Хөлбөмбөгийн Тоглогчдын Холбооны Ерөнхийлөгчөөр ФС Улаанбаатар клубын Д.Төрбат, Дэд Ерөнхийлөгчөөр Хан Жигүүртэн клубын А.Тэмүүлэн, Ерөнхий Нарийн Бичгийн Даргаар Ц.Мөнх-Эрдэнэ нар нийт хөлбөмбөгийн тоглогч нараа төлөөлөн ажилладаг.
Шаардлагыг хүлээн авахгүй бол нийт тоглогч нар МХБХ-оос зохион байгуулж буй тэмцээн уралдаан, /үйл ажиллагаанд/ оролцохгүй хэмээн шаардлагадаа дурьджээ.
Мөн Монголын хөлбөмбөгийн спортыг улс төрөөс ангид, шударга, ил тод зарчмаар хөгжүүлж, тамирчид, тоглогчдын эрх ашгийг хамгаалах нь Монголын хөлбөмбөг тоглогчдын холбооны зорилго гэжээ.
