Монголын хөлбөмбөгийн дээд лигийн тавдугаар тойргийн тоглолт амжилттай явагдаж байна. Тавдугаар тойргийг нээж, хүснэгтийг тэргүүлэгчид болох Хангарьд клуб болон FC Ulaanbaatar клубүүдийн хооронд тоглолт болж, FC Ulaanbaatar клуб 1:3 харьцаатай хожиж хүснэгтийг тэргүүлж эхлэв. Тавдугаар тойргийн хоёр дахь тоглолт Хантерс клуб Дэрэн клубийн эсрэг тоглосон бөгөөд Дэрэн клуб 0:1 харьцаатайгаар ялж хүснэгтийн дөрөвдүгээр байрт бичигдэж байна. 

Өнөөдөр тавдугаар тойргийн гурав дахь тоглолт Central Stallions клуб Улаангом Сити клубтэй тоглож, 10:1 харьцаатайгаар ялалт байгуулж, хүснэгтийн нэгдүгээр байрт бичигдэж эхэллээ. Харин Улаангом Сити клуб таван тоглолтын дараах байдлаар 3 гоол оруулж, 37 гоол хаалгандаа алдаж, хүснэгтийн сүүлийн байрт бичигдэж байна. Тавдугаар тойргийн тоглолтыг хааж Вестерн клуб Ховдын Хүлэгүүд клубтэй тоглоно. 

Гэрэл зургийг- Mongolian Premier League