Хөлбөмбөгийн эмэгтэйчүүдийн дэлхийн аваргад түрүүлсэн Испанийн од тоглогч Женни Хермосог Испанийн хөлбөмбөгийн холбооны ерөнхийлөгч асан Луис Рубиалесийг шагнал гардуулж, баяр хүргэх үеэр уруул дээр нь зөвшөөрөлгүй үнссэн хэрэг олныг шуугиулсан. Улмаар хөлбөмбөгчин бүсгүй өөрийг нь хүчээр үнссэн нь "ямар ч зөвшилцөлгүй" бөгөөд түүний үйлдлийг хамгаалахын тулд дарамт шахалтанд орсон гэж шүүгчид мэдэгдсэн. Дэлхийн аварга Женнифер Хермосо өчигдөр буюу мягмар гарагт шүүгчийн өмнө анх удаа ДАШТ-д түрүүлснийхээ дараах баярын үеэрх үнсэлт бол зөвшилцөлгүй, гэнэт үнссэн гэдгийг дахин мэдэгджээ. Реал Сосьедад багийн хөлбөмбөгчин асан, Испанийн хөлбөмбөгийн холбооны ерөнхийлөгч шуугианы дараа албан тушаалаасаа огцроход хүрсэн.  Женнифер мөн хэрэг явдлын дараа түүнийг өмгөөлөх гэж дарамталсан гэдгийг мэдэгджээ. Саяхан FC Pachuca-г орхин Мексикийн өөр мэргэжлийн клубт нэгдэж, Tigres de la UANL Femenil-д элссэн Женнифер Хермосо ийнхүү Мадрид дахь Үндэсний шүүхэд мэдүүлгээ баталгаажуулав. 

Шүүх хурал өнгөрсөн оны арваннэгдүгээр сарын 28-нд товлогдоод байсан Испанийн шигшээ баг Австрали, Шинэ Зеландад болсон дэлхийн аварга шалгаруулах тэмцээнд түрүүлсний дараа түүнийг хүчээр үнссэн тухай тухайн үед гаргасан гомдлоо давтан хэлэх үүднээс хойшлуулсан байна. Тэрбээр гомдлоо батлахын зэрэгцээ энэ талаар илүү дэлгэрэнгүй тайлбарлаж, шүүх хуралдааны сэдэв болох үйл явдлын талаар дэлгэрэнгүй мэдээлэл өгөх ёстой байжээ. "Одоо бүх зүйл шүүхийн тогтолцооны гарт байна, би үүнийг л хэлж чадна" гэжээ. Хэвлэлийн бага хурлын үеэр 2012 оноос хойш олон улсын хэмжээнд тоглож байгаа Мадридад төрсөн 33 настай тоглогч ямархуу байдалтай байгааг асуухад тэрбээр "Би зүгээр, би хүчтэй байгаа" гэж хариулжээ.

Одоогоос 46 жилийн өмнө Канарын арлуудад төрсөн яллагдагч Рубиалесийг өмгөөлөх эрхийг нь олгож,  уг үйлдэл нь бэлгийн хүчирхийллийн гэмт хэрэг байж болзошгүй эсэхийг шүүхийн систем шийднэ. Шүүгч Франсиско де Хорхе Луис Рубиалесийг бэлгийн хүчирхийлэл, албадлагын гэсэн хоёр зүйл ангиар яллах уу, эсвэл эрүүгийн хэрэг үүсгэн, хэргийг хаах үндэслэл хангалтгүй байгаа эсэхийг шийднэ. Хэрэв эрүүгийн хэрэг үүсгэсэн бол нотлох баримтыг гаргаж, яллагдагч албан ёсоор мэдүүлэг өгөх бөгөөд Испанид эрүүгийн хэрэг хянан шийдвэрлэх тухай хуульд заасан журмын дагуу шүүгч нотлох баримтыг үнэлж, шийдвэрээ гаргана.