Рүүки залуу Тристан Да Силва өнөөдрийн тоглолтын эцсийн цэгийг нь хатгалаа гэж хэлэхэд болно.

Өнөөдрийн тоглолтод Межикчүүд талбай дээрээ эхний хагаст 15 онооны дутуу буюу 58-43 харьцаатай дуусгасан ч гурвав дугаар үед гайхалтай онцгой байж аваргуудыг 36-21 харьцаатай илт илүүрхэж 4-р үе луу оноо тэнцүү орсон билээ. Тус тоглолтод Жейсон Тейтум өвчиний улмаас оролцолгүй өнжсөн ба энэ тоглолтын өмнө Чикагогийн эсрэг 43 оноотой трипл-дабл хийж Бостон хотын франчайзд түүх бүтээсэн гэдгийг мэднэ. Харин түүнийг орлож Жейлен Браун өнөөдөр 35 оноо авч багаа тэргүүлсэн ч хожилд харамсалтай нь хангалттай байсангүй.

Орландо Межик дөрөв дүгээр үеийг тун сайн хийж бүр 10 оноо дээр гарсан ч Бостон 59.6 секунд дутуу байхад 105-104 харьцаатай болтол нь ойртуулсан. Ал Хорфорд оноог илүү гаргах боломжтой гурвын шидэлт гүйцэтгэсэн ч алдаж өрсөлдөгч багтаа боломж олгон рүүки залуу нийт авсан 18 онооныхоо 3-ыг нь хамгийн чухал мөчид авч тоглолтын харьцааг 108-104 болгон хаасан байна.

Тревелин Күинн гэх залуу өнөөдөр анхныхаа удаа гараанд гарч тоглохдоо 17 оноо авсан бол, бэртлээсээ эргэн ирсэн Жейлен Саггс 16 оноо авчээ. Селтиксээс Порзингис, Уайт нар тус тус 17 оноо авсан байна.

Бид өмнө нь нийтлэл дээрээ дурьдаж байсанчлан Межикийн залуусд аль хэдийн бие биенээ орлон тоглож үүргээ яг таг биелүүлэр систем бүрэн дүүрэн суусан тул талбай дээрээ хэдий ах дүү Вагнер, Банкеро нараа алдсан ч аюултай баг хэвээрээ шүү гэсэн үг биеллээ олж өнөөдөр ийнхүү аваргуудыг талбай дээрээ буулган авч байна.

Харин Селтиксийн хувьд энэ улирал дунджаар нэг тоглолтод 51 удаа гурваас шидэж 19-ийг нь унагадаг гэсэн үзүүлэлттэй байсан бол өнөөдрийн тоглолтод 32 шидэхдээ ердөө 8-ийг нь унагаж ээ. Ер нь тэдний тоглолт гурвын шидэлттэй хэт их холбогдолтой, хэрэв шидэлт нь орохгүй бол ямар ч багт ялагдах магадлалтай л харагдаж байна даа. Дасгалжуулагч Мазулла энэ тал дээр нэг юм бодох биз ээ.