Дэлхийн хамгийн том спортын баяр эргэн ирлээ. Өнөөдөр шөнө 03:00 цагаас хөлбөмбөгийн ДАШТ-2026 тэмцээн эхэлж, эзэн орны нэг болох Мексикийн шигшээ Өмнөд Африкийн шигшээтэй тулан дэлхийн аваргын хөшгийг нээх гэж байна. Тоглолт домогт 83264 хүний суудалтай “Estadio Azteca” цэнгэлдэхэд болох бөгөөд энэ нь 48 баг оролцох түүхэн анхны ДАШТ-ий эхний тоглолт юм. Сонирхолтой нь эдгээр хоёр баг өмнө нь 2010 оны ДАШТ-ий нээлтийн тоглолтод мөн учраа таарч, 1:1-ээр тэнцэж байсан түүхтэй. Арван зургаан жилийн дараа тэд дахин дэлхийн аваргын эхний тоглолтыг хамтдаа эхлүүлэх гэж байгаа нь хөлбөмбөгийн ертөнцөд ховор тохиох давхцал билээ. 

Тоглолтын өмнө хоёр шигшээ багийн ахлах дасгалжуулагчид юу ярив?

Мексикийн шигшээ багийн ахлах дасгалжуулагч Хавьер Агирре:

"Хөлбөмбөгийн ертөнцөд 50 жилийн хугацаанд туулсан замналаас минь эх орондоо ДАШТ-д оролцож байгаа мэдрэмжээс илүү догдлуулсан зүйл надад байгаагүй. Би ихийг үзэж, ихийг туулсан хүн. Гэхдээ энэ бол мартагдашгүй мөч. Би үүнийг залуустаа ч хэлсэн, тэднийг зоригжуулж чадсан гэж бодож байна. Энэ бол асар хүчтэй мэдрэмж. Багийнхан маань хамтдаа өсөж, нэгэн гэр бүл шиг болсон”. Хэмээн мэдэгдлээ.

ӨАБНУ-ын шигшээ багийн ахлах дасгалжуулагч Хюго Броос: 

"Мексик бол манай хэсгийн хамгийн хүчтэй баг. Тиймээс маргааш биднийг маш хүнд тоглолт хүлээж байна. Гэхдээ манай баг бүрэн бэлэн байгаа гэдгийг баттай хэлж чадна. Бид тоглолтын 90 минутын турш бөмбөг бүрийн төлөө эцсээ хүртэл тэмцэх болно. Дараа нь юу болохыг харцгаая." Хэмээн мэдэгдлээ.

Мексик болон ӨАБНУ-ын шигшээ багуудын өмнөх хоорондын тоглолтууд:

Мексик 4:0 ӨАБНУ /Нөхөрсөг тоглолт, 1993 он/

Мексик 4:2 ӨАБНУ /US Nike Cup, 2000 он/

Мексик 1:2 ӨАБНУ /Concacaf Gold Cup, 2005 он/

Мексик 1:1 ӨАБНУ /ДАШТ, 2010 он/

Мексикийн шигшээ багийн сүүлийн гурван тоглолт:

Мексик 5:1 Серби /Нөхөрсөг тоглолт, 2026 оны 06-р сарын 05-нд/

Мексик 1:0 Австрали /Нөхөрсөг тоглолт, 2026 оны 05-р сарын 31-нд/

Мексик 2:0 Гана /Нөхөрсөг тоглолт, 2026 оны 05-р сарын 23-нд/

ӨАБНУ-ын шигшээ багийн сүүлийн гурван тоглолт:

Ямайк 1:1 ӨАБНУ /Нөхөрсөг тоглолт, 2026 оны 06-р сарын 07-нд/

ӨАБНУ 0:0 Никарагуа /Нөхөрсөг тоглолт, 2026 оны 05-р сарын 30-нд/

ӨАБНУ 1:2 Панам /Нөхөрсөг тоглолт, 2026 оны 04-р сарын 01-нд/

Мексикийн шигшээ багийн боломжит гарааны бүрэлдэхүүн:

Дасгалжуулагч: Хавьер Агирре 4-1-2-3

Хаалгач: R.Rangel

Хамгаалагч: J.Gallardo, J.Vasquez, C.Montes, I.Reyes

Хагас хамгаалагч: E.Lira, A.Fidalgo, B.Gutierrez

Довтлогч: J.Quinones, R.Jimenez, R.Alvarado

ӨАБНУ-ын шигшээ багийн боломжит гарааны бүрэлдэхүүн:

Дасгалжуулагч: Хюго Броос 4-2-3-1

Хаалгач: R.Williams

Хамгаалагч: K.Mudau, I.Okon, M.Mbokazi, A.Modiba

Хагас хамгаалагч: J.Adams, T.Mokoena, R.Mofokeng, T.Zwane, O.Appollis

Довтлогч: L.Foster

2026 оны хөлбөмбөгийн ДАШТ-ий эхний тоглолт Монголын цагаар 2026 оны 06-р сарын 12-нд 03:00 цагаас эхэлнэ.

Мэдээллийн ивээн тэтгэгч: ҮҮЭТ ХХК ЭВТ БРЭНД