Денвер Наггетс багийн тоглогч Аарон Гордоны төрсөн ах, өмнө нь Филаделфиа Сиксерс багт тоглож явсан Дрю Гордон автомашины ослоор нас баржээ. Тэрбээр 33 настай байсан юм.
Хүчний довтлогчийн байрлалд тоглодог байсан Дрю Гордон өмнө нь Филадельфи 76 багтай есөн тоглолтод оролцож явсан юм. Замналдаа NBA-ийн хөгжлийн лигээс гадна Серби, Итали, Турк, Франц, Литва, Польш, Орос, Украин, Японы дээд лигт тоглож явсан удаатай.
Дрю Гордон коллежийн сагсан бөмбөгт дөрвөн одтой элсэгчээр орсон ба Сан Хосе хотоос UCLA-руу нүүж, тэр жилдээ өөрийгөө нээж харуулсан юм. Түүний дараа хоёрдугаар курсийнхээ дундуур багаа сольж Нью Мехико хотруу шилжжээ.
Нью Мехикод илүү үр бүтээлтэй тоглож, бүх бүсүүдийн шилдэг тоглогчдын тоонд хоёр удаа багтаж, 2012 оны Mountain West тэмцээний шилдэг тоглогчийн шагналыг хүртэж байсан удаатай. Тэрбээр төгсөх жилдээ 13.7 оноо, 11.1 самбараас бөмбөг авалт дунджилж байжээ.
