Парист Олимпийн наадмыг зохион байгуулахаас ердөө 14 сарын өмнө Францын олимпийн хорооны ерөнхийлөгч Брижит Анрикес албан тушаалаасаа огцорлоо. Өдгөө 52 настай тэрбээр 2021 оны 6-р сарын 29-нд Денис Массеглиагийн дараагаар Францын үндэсний олимп, спортын хорооны анхны эмэгтэй ерөнхийлөгч болсон билээ. Францын олимпийн хорооны ерөнхий ассемблей дээр тэрбээр гэнэт огцорсон нь жил хагасын турш үргэлжилсэн дотоод маргаан, түүний өмнөх гишүүн Денис Массеглиатай олон нийтийн санал зөрөлдөөний дараа гарчээ. Хатагтай Анрикесийн огцорсон нь Тони Эстангуэт тэргүүтэй Парисын олимпийг зохион байгуулах хорооны үйл явцад нөлөөлөхгүй юм.
Хенрикес 6-р сарын 29-нд албан тушаалаас огцорно гэж хэлсэн нь олныг гайхшруулжээ. Тэрбээр 2022 оны сүүлээр хэдэн долоо хоног ажлаасаа хөндийрч завсарлага авч байсан бөгөөд түүнийг албан тушаалдаа эргэн ирэхэд уур амьсгал сайжираагүй байна. Францын олимпийн ерөнхий нарийн бичгийн дарга Астрид Гайарт "ойрын гурван сарын дотор" шинэ ерөнхийлөгч сонгогдох хүртэл үүрэг гүйцэтгэнэ" гэж тус байгууллагын мэдэгдэлд дурджээ. Францын олимпийн хороо болон түүний гишүүн спортын холбоодын маргаан, үл ойлголцол гарсаар байсан юм.Хөлбөмбөг, регби, гимнастик, теннис зэрэг хэд хэдэн холбоо дуулиан шуугианд орооцолдсон байна. Үүний үр дүнд хоёр ч өндөр нэр хүндтэй эрхэм албан тушаалаасаа огцорсон гэнэ. Хөлбөмбөгийн холбооны найман жилийн ерөнхийлөгч Ноэль Ле Грает бэлгийн болон сэтгэл зүйн дарамтад өртсөн хэргээр хоёрдугаар сард албан тушаалаасаа огцорчсон бол Францын Спортын сайд асан, Францын регбигийн дасгалжуулагч асан Бернард Лапорт 1-р сард Францын регбигийн холбооны ерөнхийлөгчийн албан тушаалаа орхисон юм. Францын гандболын холбооны ерөнхийлөгч Филипп Бана Франс Пресс агентлагт хэлэхдээ "Энэ бол бидний хяналтаас гарч байгаа зөрчилдөөнийг багасгах зоригтой шийдвэр юм." гэжээ.
