Өчигдөр болсон Лос Анжелес Лэйкерс, Денвер Наггетс багуудын тоглолтын үеэр Никола Йокичийн ах Страхиняа Йокич үзэгчдийн суудалд байсан нэгэн эрэгтэй хөгжөөн дэмжигчийг цохисон бичлэг цахим орчинд тархсан. Тус бичлэгийн мөрөөр NBA болон Денвер хотын цагдаагийн алба түүнийг шалгаж байна.

Тус бичлэг дээр Йокичийн ах Ball Arena-д нэгэн эртэй муудалцаж, түүн дээр суудал дээгүүр авирч очин нүүр рүү нь цохиж буй нь бичигджээ. Энэхүү үйл явдал Наггетс 20 онооны зөрүүтэй тоглолтоос эргэн ирж, 101-99 харьцаатай хожил байгуулсны дараа болсон гэж үзэж байна.  

NBA-ийн хэвлэлийн төлөөлөгч өнөөдөр лигийн зүгээс энэ асуудлыг судалж байгаа хэмээн мэдэгдсэн байна. Харин Денвер хотын цагдаагийн албаны хэвлэл мэдээлэлтэй харилцах алба Ассошиэйтед Пресс агентлагт илгээсэн цахим шуудандаа уг хэргийг шалгаж байгаа боловч талбай дээр болон тоглолтын дараа Денверийн цагдаагийн газарт мэдэгдээгүй тул хүндрэл үүсэж байна хэмээн мэдэгджээ. “Одоогоор хэн ч энэ хэргийн хохирогч хэмээн бүртгүүлээгүй. Бичлэг дээр цохиулсан хүнийг олж тогтоохоор идэвхтэй ажиллаж байгаа бөгөөд үүнд оролцсон эсвэл нүдээр харсан хэн бүхнийг Денверийн цагдаагийн хэлтэстэй холбоо барихыг уриалж байна” хэмээн мэдэгджээ.