Чөлөөт бөхийн эмэгтэйчүүдийн 68 кг-ын жинд ЦЕГ-ын Хүч спорт хороо, Үндэсний шигшээ багийн тамирчин Азийн аваргын хос медальт Энхсайханы Дэлгэрмаа хагас шигшээд шалгарлаа. Эхний тойрогт  Вьетнамын тамирчинтай барилдаж 9-0 оноотойгоор ялсан. Дараагийн шатанд 2022 оны манай улсад болсон Ази тивийн аварга шалгаруулах тэмцээнд 65 кгд хүрэл медаль хүртэж байсан Энэтхэгийн Радхикатай хагас шигшээд шалгарахын өрсөлдөж 10-5 оноотойгоор ялалт байгууллаа. 

Эрэгтэйчүүдийн 57-кг-ын жинд өрсөлдсөн Нармандахын Насанбуян эхний шатаа хийлж 1/8 шатанд Камбожийн тамирчинг 14-2 харьцаатай ялж, 1/4 шатанд БНАСУ-ын тамирчин Хан Чонсонтой хагас шигшээд өрсөлдөх эрхийн төлөө барилдан 17-6 оноотойгоор ялагдал хүлээн дагах барилдаанд шилжлээ.

Эмэгтэйчүүдийн 76 кг-ын жинд манай улсаас Ази тивийн аварга шалгаруулах тэмцээний хүрэл медальт, Үндэсний шигшээ багийн тамирчин Ганбатын Ариунжаргал эхний барилдаандаа хийлж 1/8-д дэлхийн аварга шалгаруулах тэмцээний мөнгө, хүрэл медальт Казахстаны Жамила Бекбергеноватай барилдаж ялагдлаа.