2026 оны дэлхийн аварга шалгаруулах тэмцээнийг АНУ, Мексик, Канад улсад зохион байгуулах хотуудыг Олон улсын хөлбөмбөгийн холбоо зарлалаа. Баруун бүсийн хотуудыг хамгийн түрүүнд зарласан бөгөөд Канадын Ванкувер, Сиэтл, Сан Франциско, АНУ-ын Лос Анжелес, Мексикийн Гвадалахара хотууд байна. Төвийн бүсийн хотууд нь АНУ-ын Канзас-Сити, Даллас, Атланта, Хьюстон, Мексикийн Мехико, Монтеррей зэрэг хотууд юм. Эцэст нь зүүн бүсийн хотуудыг зарласан бөгөөд эдгээр нь Канадын Торонто, АНУ-ын Бостон, Филадельфи, Майами, Нью-Йорк/Нью Жерси хотууд юм.
ФИФА-гийн ерөнхийлөгч Жианни Инфантино ДАШТ-ийг зохион байгуулах хотуудыг шалгаруулах үйл явцыг "Хамгийн өрсөлдөөнтэй" гэж тодорхойлсон. Мэдээллийн дараа тэрбээр хэлэхдээ: "Хөлбөмбөгийн дэлхийн аварга шалгаруулах тэмцээнийг зохион байгуулж буй 16 хотдоо онцгой үүрэг хариуцлага, хүсэл тэмүүлэлтэй байгаад баяр хүргэе. Өнөөдөр бол эдгээр хот, мужуудын хүн бүр, ФИФА, Канад, АНУ, Мексикийн хувьд дэлхийн хамгийн агуу шоу тоглолтыг хийх түүхэн өдөр юм. Бид тэдэнтэй хамтран ажиллаж өмнө нь байгаагүй дэлхийн аварга шалгаруулах тэмцээн болж, хөлбөмбөгийг дэлхийн хэмжээнд хүргэхийн төлөө хичээн чармайхыг тэсэн ядан хүлээж байна." гэлээ.
Канадын Эдмонтон, мөн АНУ-ын Денвер, Нэшвилл, Вашингтон ДС-Балтимор, Орландо хотууд оролцох боломжгүй. 2026 оны дэлхийн аварга шалгаруулах тэмцээн нь анх удаагаа гурван орныг хамарсан тэмцээн болох гэж байна. Канад өмнө нь энэ арга хэмжээг зохион байгуулж байгаагүй ч 1994 онд АНУ анх удаа зохион байгуулахаас өмнө 1970, 1986 онд Мексик ганцаараа зохион байгуулж байсан. ФИФА-гийн дэд ерөнхийлөгч, КОНКАКАФ-ын ерөнхийлөгч Виктор Монтаглиани нэмж хэлэхдээ: "Энэхүү сонгон шалгаруулалтын хосгүй өрсөлдөөнд бид баяртай байсан. Бид зөвхөн сонгогдсон 16 хотод төдийгүй бусад зургаан хотод маш их талархаж байна. Бид тэдэнтэй үргэлжлүүлэн хамтран ажиллаж, хөгжөөн дэмжигчид болон оролцогч багуудыг угтан авах нэмэлт боломжуудыг судлахыг тэсэн ядан хүлээж байна. Энэ бол үргэлж гурван улсын хөлбөмбөгийн дэлхийн аварга шалгаруулах тэмцээн байсан бөгөөд энэ нь бүс нутаг болон өргөн хүрээний хөлбөмбөгийн нийгэмлэгт асар их нөлөө үзүүлэх нь дамжиггүй." гэжээ.
Н.Бэлгүүн
